Rabanus Maurus: ferskil tusken ferzjes

Rabanus waard om [[780]] hinne berne te Mainz, yn in begoedige fermidden. Hy genoat syn oplieding yn it [[Abdij fan Fulda|kleaster]] fan [[Fulda]], yn [[Hessen]], dêr't er yn [[801]] ta [[deken (tsjerklik amt)|deken]] wijd waard. Op oanstean fan syn [[abt]], [[Ratgar fan Fulda|Ratgar]], sette er doe mei Haimon, in oare jonge [[mûnts]], ôf nei [[Tours]], om dêr syn stúdzje te foltôgjen. Yn Tours studearre er ûnder de ferneamde wittenskipper [[Alcuin fan York]], dy't abt fan Tours wie, en dy't him foar syn iver en frommens de bynamme Maurus joech, nei de hillige [[Maurus]], de leaflingsdissipel fan [[Benediktus fan Nursia]], de stifter fan 'e [[benediktinen|benediktynske oarder]].

Rabanus kearde twa jier letter nei [[Fulda]] werom, dêr't er it tafersjoch krige oer de skoalle, dy't ûnder syn lieding útgroeide ta ien fan 'e wichtichste sintra fan wittenskip en de produksje fan manuskripten yn [[Jeropa]]. Yn dyselde snuorje stalde er nei alle gedachten ek syn gearfetting fan 'e grammatika fan [[Prissianus]] gear, dy't de hiele fierdere [[Midsieuwen]] troch rûnom brûkt waard.