Middelsee: ferskil tusken ferzjes

De '''Middelsee ''', ek wol ''Bordine'' neamd, wie yn de [[Midsieuwen]] in seeearm dy't de ôfskieding foarme tusken [[Westergoa]] en [[Eastergoa]]. De Middelsee kaam hast sa súdlik as [[Snits (stêd)|Snits]], dat begûn is op de [[himdyk]] fan de Middelsee. De seeearm bestie út twa stikken. De wide mûning fan de [[Boarn]] dêr't it tij it frij hie rûn op de hichte fan Raard[[Raerd]] noardwerts oant foarby [[Ljouwert]].

Nei it westen bestie der fan RaardRaerd ôf in ferbining mei it Fly, foarby Snits en [[Boalsert]] fia de Marne. Doe't de Marne ôfdamme waard begûn de westlike kom ticht te slibjen wêrnei dy by parten ynpoldere waard. [[Nijlân (doarp)|Nijlân]] wurdt al yn 1230 as doarp neamd. Koart foar [[1199]] hie [[Skearnegoutum]] noch bot te lijen fan de see. By dizze ramp moat gâns in delsetting weispield wêzen, dêr't de spoaren fan yn de Snitser Stedsfinne weromfûn waarden doe't dy bouryp makke waarden.