Beverly Hills: ferskil tusken ferzjes
Content deleted Content added
stikje útwreide |
L red & oanf (en Lucille Ball is hjir net stoarn, neffens de Ing. Wikipedia, en de beide oaren dy't ik derútsmiten haw wiene hjir net berne) |
||
Rigel 1:
{{Stêd mei flagge|
Ofbyld= [[File:Rodeo Drive & Via Rodeo, Beverly Hills, LA, CA, jjron 21.03.2012.jpg|300px]] |
Flagge= [[File:Flag of Beverly Hills, California.png|125px]] |
Wapen= [[File:BeverlyHills logo.jpg|60px]] |
Ynwennertal= 34.290 <small>(2010)</small>|
Oerflak= 14,8 km² <small>(ynkl. wetter)</small><br> 14,8 km² <small>(allinnich lân)</small>|
Befolkingstichtens= 2.306,2 / km² |
Stêdekloft= 12.828.837 <small>(2012)</small> |
Hichte= 79 m |
Lân= [[Ofbyld:flag of the United States.svg|20px]] [[Feriene Steaten]] |
Bestj. ienh. 1= Steat |
Namme bestj. ienh. 1= [[Kalifornje]] |
Bestj. ienh. 2= County |
Stifting= 1906 |
Tiidsône= [[UTC]]-8 |
Simmertiid= UTC-7 |
Koördinaten= 34°04′23″N 118°23′58″W|
Webside= [http://www.beverlyhills.org/ www.beverlyhills.org]|
}}
[[File:LA County Incorporated Areas Beverly Hills highlighted.svg
[[File:Beverly Hills11.JPG|left|thumb|200px|Palmbeammen oan in strjitte yn Beverly Hills.]]
[[File:Via Rodeo Dr.JPG|left|thumb|200px|Beverly Hills op de hoeke fan Rodeo Drive, Dayton Way en Via Rodeo.]]
[[File:Beverly Hills Sign, LA, CA, jjron 21.03.2012.jpg|left|thumb|150px|In boerd dat de grins fan 'e stêd Beverly Hills oanjout.]]
'''Beverly Hills''' is in stêd yn it suden fan 'e [[Feriene Steaten|Amerikaanske]] [[Amerikaanske steaten|steat]] [[Kalifornje]], dy't nei de [[postkoade]] inkeld ek wol '''90210''' (''nine-oh-two-one-oh'') neamd wurdt. Der wurdt gauris tocht dat it in wyk fan [[Los Angeles]] is, mar dat is sa net. Tegearre mei de oanswettende stêd [[West Hollywood (Kalifornje)|West Hollywood]] wurdt Beverly Hills lykwols al folslein omjûn troch it folle gruttere Los Angeles. Oan 'e noardkant fan Beverly Hills leit it [[Santa Monicaberchtme]]; eastlik lizze West Hollywood en de Losanzjelynske wiken [[Carthay (Los Angeles)|Carthay]] en [[Fairfax District (Los Angeles)|Fairfax District]]; súdlik leit de Losanzjelynske wyk [[Beverlywood (Los Angeles)|Beverlywood]]; en westlik de Losanzjelynske wyk [[Bel-Air (Los Angeles)|Bel-Air]]. Nettsjinsteande de namme leit it grutste part fan Beverly Hills op it flakke lân oan 'e foet fan 'e eigentlike ''hills'' ("heuvels").
Neffens de gegevens fan 'e folkstelling fan [[2010]] hie Beverly Hills doe goed 34.000 ynwenners. It makket diel út fan 'e stêdekloft fan Los Angeles, dy't in befolking hat fan 12,8 miljoen minsken. Beverly Hills is benammentlik bekend as it wenplak fan withoefolle pop- en filmstjerren, en ek wol fan ''[[Beverly Hills, 90210]]'', in [[tillevyzje]]searje út 'e njoggentiger jierren. Ta de stêd hearre ek de ferneamde winkelbuert [[Rodeo Drive]] en it noch altyd aktive [[Beverly Hills-oaljefjild]].
==
It gebiet dêr't Beverly Hills no leit, krige foar it earst fêste bewenners doe't it yn [[1828]] yn besit nommen waard troch [[María Rita de Valdez]] en har man. Hja makken der in ''ranch'' (feepleats) fan mei in oerflak fan 18 km², dy't se ''Rancho Rodeo de las Aguas'' neamden. Fanwegen oanhâldende oanfallen fan 'e pleatslike [[Yndianen]], dy't se de grûn ûntnadere hiene, ferkochten se de ''ranch'' yn [[1854]], wêrnei't it lân opdield waard yn lapkes grûn fan ⅓ km² dy't trochferkocht waarden oan Amerikaanske kolonisten út it Easten. Uteinlik kochten [[Henry Hammel]] en [[Andrew H. Denker]] it grutste part fan it lân wer op mei as doel om der [[limabeane]] te ferbouwen. Yn [[1900]] gie de pleats op 'e nij oer yn oare hannen, diskear dy fan 'e njoggenkoppige ''Amalgamated Oil Company'', dy't der nei [[ierdoalje|oalje]] begûn te sykjen. Dêrfan fûnen se net genôch om eksploitaasje foar dy tiid rendabel te meitsjen, mar se fûnen wol in grutte ûndergrûnske wetterfoarrie, en úteinlik besleaten se om der dan mar in stedsje oan te lizzen. Yn [[1906]] neamden se har bedriuw sadwaande om ta de ''Rodeo Land and Water Company'' en begûnen se perselen te ferkeapjen fan wat Beverly Hills kaam te hjitten.
De stêd begûn as ien fan in stikmannich folslein [[jeropide ras|blanke]] delsettings om Los Angeles hinne. Beheinende bepalings ferbeaën [[negride ras|swarten]] en [[Latino's]] om der húsfêsting te keapjen of te hieren, of it moast wêze dat se as tsjinstfolk by de blanke bewenners wurken. Teffens wie it ferbean om yn Beverly Hills ûnreplik guod oan [[Joaden]] te ferkeapjen of ferhieren. Troch de foltôging fan it ''[[Beverly Hills Hotel]]'', yn [[1912]], waarden der mear lju nei it plakje ta lokke, en in protte fan 'e begoedige hotelgasten kochten der neitiid grûn oan. Sadwaande hie Beverly Hills yn [[1914]] genôch ynwenners om 'e status fan [[stêd]] te krijen. Yn [[1919]] kochten [[Douglas Fairbanks]] en [[Mary Pickford]] lân oan Summit Drive, dêr't se in filla sette lieten dy't troch de parse "Pickfair" neamd waard. Hoewol't se no de measte lju foar 't neist net sa bekend foarkomme sille, wiene der doedestiden gjin gruttere nammen yn [[Hollywood]] as harren beiden. Troch Fairbanks en Pickford krige Beverly Hills de reputaasje it wenplak fan 'e filmstjerren te wêzen, en meitiid begûnen oare akteurs en aktrises der gear te kloftsjen.
Tsjin 'e tweintiger jierren wie de befolking fan Beverly Hills genôch tanommen dat de wetteroanfier problematysk waard. It stedsbestjoer stelde yn [[1923]] as oplossing foar om 'e lapen mar gear te smiten mei Los Angeles, mar dêr kaam ûnder de rike ynwenners frij wat ferset tsjin, en it útstel waard úteinlik ferwurpen. Tsjin 'e fjirtiger jierren hie Beverly Hills, nettsjinsteande de beheinende bepalings, dy't doe noch altiten fan krêft wiene, slûpenderwize de earste swarte ynwenners krigen, mei't ek guon [[Afro-Amerikanen]] ryk wurden wiene yn 'e filmyndustry. In stedsferbetteringsferiening stapte dêrop nei de rjochter om harren de stêd wer út te wurkjen. Under de ferklagen wiene aktrises as [[Hattie McDaniel]], [[Louise Beavers]] en [[Ethel Waters]]. Under de blanke bewenners dy't harren it gat fan 'e doar wize woene, wie û.m. [[stomme film|stomme-filmstjer]] [[Harold Lloyd]]. De boargerrjochteferiening [[NAACP]] naam diel oan 'e ferdigening, en úteinlik die de federale rjochter [[Thurgood Clarke]] de útspraak dat it tiid waard dat ''"leden fan it negerras, sûnder útsûnderings of ûntwikings, de folle rjochten taparte krije dy't harren garandearre binne ûnder it fjirtjinde amendemint."''
[[File:Downtown Beverly Hills At Night.jpg|right|thumb|350px|It sintrum fan Beverly Hills by nacht.]]
Yn [[1956]] kocht projektûntwikkelder [[Paul Trousdale]] de Doheny Ranch oan en ûntwikkele dy ta de [[Trousdale Estates]]. Hy beprate Beverly Hills om it gebiet te anneksearjen, en letter waard dat ien fan 'e sjykste wiken, dêr't û.o. [[Elvis Presley]], [[Frank Sinatra]], [[Dean Martin]], [[Ray Charles]], âld-presidint [[Richard Nixon]], [[Jennifer Aniston]] en [[David Spade]] wenne hawwe.
Yn 'e njoggentiger jierren stelde Los Angeles út om ien fan syn [[metro]]linen troch te lûken nei Beverly Hills, mar it stedsbestjoer fan Beverly Hills, dat de grutte buorman leaver wat op in distânsje hâldt, stegere it oanbod ôf. Yn [[2001]] woe Los Angeles in flugge busline (sis mar in ynterliner) nei Beverly Hills opsette, mar ek dat útstel waard troch it stedsbestjoer fan Beverly Hills fetoë.
==Demografy==
Tusken [[1920]] en [[1930]] ekspodearre de befolking fan Beverly Hills ynienen fan 674 ta krapoan 17.500 minsken, in taname fan hast 2.500%. Tusken [[1930]] en [[1940]] stige it ynwennertal mei 53,9% nei krapoan 27.000. Sûnt is de befolking stadiger groeid, behalven tusken [[1970]] en [[1990]], doe't er in lytse krimp wie. Neffens gegevens fan 'e folkstelling fan [[2010]] wie doe 19,4% fan 'e befolking fan Beverly Hills jonger as 18 jier, wylst 19,1% âlder as 65 jier wie. Fan alle húshâldings bestie 36,3% út [[ienpersoanshúshâlding|ien persoan]]. Wat de [[etnyske groep|etnyske]] opbou fan 'e befolking oangiet, dy wie yn 2010 sa: 82,4% [[jeropide ras|blanken]]; 8,9% [[Aazje|Aziaten]]; 5,7% [[Latino's]]; 2,2% [[negroïde ras|swarten]]; 0,1% [[Yndianen]]; 0,7% oaren of fan mingd etnysk komôf.
===Ferneamde ynwenners===
[[File:Beverly Hills City Hall, LA, CA, jjron 21.03.2012.jpg|right|thumb|400px|It stedhûs fan Beverly Hills.]]
;berne yn Beverly Hills
* [[Richard Chamberlain]] (1934), [[akteur]]
* [[Karen Lynn Gorney]] (1945), aktrise
;stoarn yn Beverly Hills
* [[Sergej Rachmaninov]] (1873-1943), [[Ruslân|Russysk]] [[komponist]], pianist, [[dirigint]] en [[muzyk]]pedagooch
* [[Gene Kelly]] (1912-1996), akteur, [[dûns]]er, sjonger en [[film]]regisseur en -produsint
* [[Dean Martin]] (1917-1995), [[sjonger]] en akteur
* [[Ella Fitzgerald]] (1917-1996), [[jazz]]sjongster
* [[Peter Falk]] (1927-2011), akteur en [[senarioskriuwer]]
* [[Ray Charles]] (1930-2004), sjonger en [[piano|pianist]]
* [[Whitney Houston]] (1963-2012), sjongster
==Klimaat==
Beverly Hills hat in [[Mediterraan klimaat]], mei hjitte [[simmer]]s en tige mylde [[winter]]s. De koelste moanne is jannewaris, mei in trochsneed [[temperatuer]] oerdeis fan 19,5 °C; yn 'e hjitste moanne, augustus, is it oerdeis yn trochsneed 29,4 °C. Oan [[delslach (waar)|delslach]] falt der yn Beverly Hills jiers trochstrings 460 mm. Mjitbere hoemannichten [[snie]] binne, sûnt mei de [[meteorologyske mjittings]] úteinset is, inkeld fallen yn 'e jierren [[1882]], [[1922]], [[1932]] en [[1949]].
==Susterstêden==
* [[Ofbyld:flag of Mexico.svg|20px]] [[Acapulco]] ([[Meksiko]])
* [[Ofbyld:Flag of France.svg|20px]] [[Cannes]] ([[Frankryk]])
{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Beverly_Hills,_California ''References'' en ''Bibliography'', op dizze side].
{{Commonscat|Beverly Hills, California}}
}}
{{Koördinaten|34_04_23_N_118_23_58_W_type:city(33784)_region:US-CA|34° 4' N, 118° 23' W}}
[[Kategory:Plak yn Kalifornje]]
|