De '''knyn''' wurdt al sûnt de [[Romeinske Ryk|Romeinske tiid]] as húsdier holden, yn 't earstoan noch poer foar it fleis, mar fan 'e njoggentjinde ieu ôf ek as [[selskipsdier]]. Troch it fokken fan kninen binne der in grut tal rassen ûntstien, wêrfan't guon op lichaamlik mêd tige by tige ôfwike fan 'e [[wylde knyn]], dêr't se fan ôfstamje. De [[Flaamske reus]] kin bgl. mear as 8 kg weagje, wylst der ek dwerchkninerassen besteane mei in gewicht fan minder as 1 kg. Trochinoar weagje kninen lykwols 1½ oant 2 kg. Ek komme der alderhanne kleuren foar: wyt, alle nuânses brún, swart, griis, blau, bûnt, ensfh. Kninen binne kwetsber foar sykten as [[myksomatoaze]] en [[RHD (kninesykte)|RHD]] (''rabbit haemorrhagic disease''; "kninebloedfloeien"), en moatte, as it goed sil, eins ien kear jiers dêrtsjin yninte wurde.
[[FileOfbyld:Flemish giant fawn doe.jpg|left|thumb|350px|In Flaamske reus as selskipsdier.]]
