Mata Hari: ferskil tusken ferzjes

As ''Margaretha Geertruida Zelle'' waard se yn [[Ljouwert (stêd)|Ljouwert]] berne as dochter fan huoddemakker Adam Zelle en syn frou Antje van der Meulen. Se krige priveeles yn ferskate bûtenlânske talen. Nei de skieding fan har âlders yn [[1890]], en it ferstjerren fan har mem in jier letter, waard se troch har omke nei de kweekskoalle yn [[Leien]] stjoerd, mar dy makke se net ôf. Yn [[1895]] troude se mei kaptein Rudolf Campbell MacLeod, dy't fan Skotske ôfkomst wie, mar tsjinne yn it Nederlânske leger by de [[KNYL]]. Se setten har ta wenjen yn Amsterdam dêr't se in jonkje krigen, Norman John en letter noch in famke, Louise Jeanne. Yn [[1897]] gie de húshâlding nei [[Nederlânsk Ynje]] en wenne dêr oant [[1902]] op [[Java]], dêr't se in famke krigen, Louise Jeanne, en [[Sumatra]]. Nei it ferstjerren fan harren soantsje gongen Margaretha en har man werom nei [[Nederlân]], mar fuort dêrnei ferliet se McLeod, dy't alkoholist wie en gewelddiedich foar har oer wie