[[Ofbyld:2009 02 08 Boorne.JPG|thumb|De [[Boarn]] op de hichte fan [[Beetstersweach]]]]
In '''beek''' is in fierhinne natuerlike stream fan ûndjip [[wetter]], dy't fanút syn oarsprong, faak in boarne, streamôf floeit. As ferskate beken gearstreameby elkoar komme en it wetter dêrtroch yn grutte en djipte oanwint, wurdt it in [[rivier]] neamd. Oer it algemien kin men stelle datis in beek oeral trochwâdber is, wylst men by in rivier in [[furde]] opsykjenedich moatis om him oer te stekken sûnder dat men hoecht te swimmen.
Yn [[Nederlân]] hawwe de measte beken troch yngripende [[kanaal (wetterwei)|kanalisaasje]] harharren natuerlike karakter ferlern. Yn [[Fryslân]] is dat ek it gefal. In grut part fan 'e wetterwegen dy't wy no kenne as [[feart]]en, binne ûntstien út natuerlike wetterrinnen dy't rjochtlutsen of ferlein binne om't dat de minske better útkaam.
Natuerlike beken kinne ferdield wurde yn trije soarten: leechlânbeken, sypbeken en boarnbeken. Leechlânbeken wurde fet troch [[delslach (waar)|delslach]] en periodykby tiden ek troch de ôfwettering fan oerstallich [[grûnwetter]]. Sypbeken binne in spesifyk soarte fan leechlânbeken, dy't net út en troch ris, mar altyd fet wurde troch ôfwettering fan grûnwetter. En boarnbeken ûntspringe by wiere boarnen, dêr't it grûnwetter omheech boarrelet.
