Sint-Nikolaastsjerke (Wyk op Feer): ferskil tusken ferzjes
Nije Side: thumb|De Sint-Niklaastsjerke fanút it easten De '''Sint-Niklaastsjerke''' ([[Dútsk: ''Kirche St. Nicolai'') yn Wyk op Feer is ien fan de trije midsi... |
(Gjin ferskil)
|
De ferzje fan 12 des 2014 om 18.25
De Sint-Niklaastsjerke ([[Dútsk: Kirche St. Nicolai) yn Wyk op Feer is ien fan de trije midsieuwske tsjerken op it Noard-Fryske eilân Feer (Föhr). Sûnt de ynfiering fan de reformaasje op Feer yn de jierren 1526 oant 1530 is de Sint-Niklaas in protestânsk tsjerkegebou. De tsjerke leit oan de Sankt Nicolaistraße yn it doarp Boldixum.
Bouwskiednis
De oarsprong fan de oan de hillige Niklaas wijde romaanske tsjerke stamt út de tiid fan 1240. Oan de eastkant fan de tsjerke slút in koar oan mei in apsis. De goed 28 meter hege goatyske toer is fan lettere tiid en waard yn de 15e ieuw boud en fan in sealtek ôfsletten. Yn it begjin fan de 18e ieuw waard in noardlik skip oanboud om it tanimmend tal tsjerkgongers bergje te kinnen.
Foar de Noard-Fryske skiednis is it bouwwurk wichtich om't hjir yn âlde tiden politike gearkomsten plak fûne.
Ynrjochting
Doe't men de tsjerke restaurearre yn de jierren 1969-1970 waarden der oan de gewelven 13e-ieuwske muorrebeskilderingen ûntdutsen. De beskildering waard renovearre en rekonstruearre. Fan it koar wie de orizjinele beskildering net mear foarhanden. Hjir binne let-goatyske fresko's te sjen. Njonken it altar (1643), de kânsel (1630), it doopfont (13e ieuw), in byld fan de hillige Niklaas (1300) en trije let-goatyske bylden heart it oargel ta de bysûnderheden dy't de tsjerke it besjen wurdich makket.
Yn de tsjerketoer hingje fjouwer klokken, de âldste klok stamt út 1767, ien út 1934 en de oare twa út 1962.
Tsjerkhôf
De Niklaastsjerke leit yn it fermidden fan in grut hôf, dat omheind wurdt toch âlde muorren fan fieldstiennen, oan de grins fan de doarpen Boldixum en Wrixum. Op it hôf binnen tal fan barokke grêvenstiennen de muoite wurdich om te sjen. In soad grêfstiennen tsjûgje fan in djip kristlik leauwe en binne fersierd mei ôfbyldings fan ferhalen út de Hillige Skrift of fan de ferstoarne sels. Ek jout mannich grêf in beskriuwing oer it libben fan de ferstoarne.
Keppeling om utens
Boarnen, noaten en/as referinsjes: | ||
http://www.kirche-st-nicolai-foehr.de/gemeinde/gemeinde/willkommen.html
|