De biologyske taksonomy giet werom op [[Carolus Linnaeus|Linnaeus]] yn de [[18e ieuiuw]] en wie yn earste ynstânsje basearre op ''[[anatomy|anatomyske fergeliking]]'' fan libbene wêzens, bisten, planten ensfh. Dit oarspronklike systeem dielde de wêzens yn yn [[soarte]]n (''species''), [[skaai]]en (''genus''), [[famylje]]s ('' familia''), [[skift]]en (''ordo''), [[klasse]]n (''classis''), [[stamme (taksonomy)|stammen]] (''phylum'') en [[ryk|riken]] (''regnum''), mar der waard oannommen dat soarten ûnferoarlik wiene.
=== Fossilen ===
Oer dizze yndieling ûnstie yn de 19e ieuiuw in soad diskusje, omdat troch de [[evolúsje]]teory fan Darwin oan dizze yndieling in nije diminsje tafoege waard, nammentlik dy fan ''stamferwantskip''. Ek de stúdzje fan fossilen kaam yn dy tiid op. De faktor tiid en wannear der sprake is fan ferskillende soarten waarden belangrike ûnderwerpen fan diskusje. De klassike yndieling blykte op in soad punten net krekt te wêzen.
=== DNA ===
Yn de lêste jierren fan de [[20e ieuiuw]] kaam der in tredde boarne fan ynformaasje beskikber, '''[[Desoksyribonukleïnesoer|DNA]]-besibbens''', meast fan libbene wêzens, mar ek fan in tal noch net al te lang lyn útstoarne soarten. De gefolgen fan dizze nije revolúsje binne no ([[2004]]) noch mar foar in part te oersjen.
