Erotyk: ferskil tusken ferzjes

Content deleted Content added
nedige side
(Gjin ferskil)

De ferzje fan 24 mrt 2015 om 16.12

Erotyk is in foarm fan seksualiteit wêrby't de klam net drekt op it geslachtsferkear leit, mar mear op 'e gefoelens dêromhinne, en benammen op it opbouwen fan 'e langst nei geslachtsmienskip. It wurd "erotyk" is ôflaat fan Eros, de namme fan 'e Grykske god fan 'e leafde. It waard as begryp yn it moderne spraakgebrûk yntrodusearre troch de Eastenrykske psycholooch Sigmund Freud, dy't dizze oantsjutting betocht as namme foar syn idee fan sublimearre seksualiteit.

In houtfykwurk út Nepal yn it Musée de l'Éroticisme yn Parys. Erotyk of pornografy?

Foarmen

Erotyk kin him op ferskate manearen uterje, bygelyks troch:

  • romantyske mominten, lykas hân yn hân yn 'e moanneskyn sitte;
  • beskate oanrekkings fan it lichem fan 'e partner oars as de primêre of sekundêre geslachtsdielen;
  • oandacht skinken oan 'e partner troch it foarlêzen fan poëzij of ferhalen;
  • it fersoargjen fan inoars lichems of it inoar opfuorjen fan lytse hapkes iten;
  • it meitsjen fan taspilings op it ferwachte of hope lettere geslachtsferkear.

Opfettings

De grins tusken wat noch erotyk is, en wat heart ta de wiere seksualiteit, is tige ûndúdlik, en sadwaande folslein bûn oan persoanlike opfettings. Wat foar de iene noch "ûnskuldige" erotyk is, kin foar in oar al in pornografysk karakter hawwe. Ek histoarysk ferskilden de opfettings oer erotyk tusken de ûnderskate tiidrekken tige by tige. Sa waard yn 'e Fiktoriaanske Tiid, doe't froulju tige keken klaaid wiene en lange rokken droegen, in ûntbleate ankel fan in frou troch manlju al as tige opwinend beskôge, wylst manlju dêr hjoed de dei yn oergrutte mearderheid de skouders oer ophelje sille.

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.