Jean-Paul Sartre: ferskil tusken ferzjes

Sartre waard berne yn [[Parys]] op 21 juny 1905. Hy folge middelber ûnderwiis oan it Henri IV Lyceum yn Parys, dêr't er kunde krige oan [[Paul Nizan]]. Fan [[1922]] oan't [[1924]] die er tariedend ûnderwiis foar it [[Louis-le-Grand lyseum]]. Yn 1924 waard er talitten op de [[EcoleÉcole normale supérieure]]. Dêr moette er [[Simone de Beauvoir]], dêr't er syn libben mei diele soe. Yn [[1929]] waard er talitten ta de stúdzje [[filosofy]]. Professor soe Sartre nea wurde. Hy publisearre filosofyske essays en ûntwikkele him as foaroanman fan it doedestiidse Frânske eksistinsjalisme. Yn dy tiid makke hy namme troch syn romans (''La nausée'', [[1938]]), novelles (''Le mur'',[[1939]]) en teaterstikken (''Les mouches'', [[1943]]). Hy wûn dêrmei in grut publyk foar syn ydeeën. Syn yntellektueel ymago koe er handich brûke by it ynnimmen fan stânpunten yn polityke kwestjes.