Dialooch: ferskil tusken ferzjes

In '''dialooch''' is in [[petear]] tusken twa persoanen (yn 'e ingere sin), of tusken mear as twa persoanen (yn 'e rommere sin). De term is in gearstalling fan it [[Gryksk]]e διά, ''dia'' ("troch") en λόγος, ''logos'' ("wurd") (en net fan ''logos'' en δι-, ''di'', "twa-", sa't faak tocht wurdt). In dialooch kin in petear wêze tusken twa partijen, lykas twa buorlju dy't in praatsje oer it waar meitsje of [[wurkjouwer]]sorganisaasjes en [[fakbûn]]en dy't ûnderhannelje oer in nije [[Kollektive Arbeids Oerienkomst|CAO]]. It kin ek in petear tusken twa personaazjes yn in [[boek]] wêze, en ien fan 'e âldste betsjuttings fan in dialooch is as in spesifyk [[literatuer|literêr sjenre]]. Dat waard yntrodusearre troch de [[Aldgryksk]]e [[wiisgear]] [[Plato]], dy't syn [[filosofy]]ske tinkbylden yn 'e foarm fan in dialooch tusken in stikmannich personaazjes geat, om syn ideeën tagonkliker te meitsjen foar leken.