[[Ofbyld:Fryske top100 OmropFryslan.jpg|thumb|right|250px|''It skaaimerk fan de Fryske Top 100.'']]
De '''Fryske Top 100''' is in muzyklist en muzykprogram dat [[Omrop Fryslân]] sûnt [[2004]] alle jierren op âldjiersdei útstjoert op de [[radio]] en [[televyzjetelefyzje]]. Yn 1995 kaam de earste útstjoering as idee fan [[Rein Tolsma]] en [[Geert van Tuinen]]. Oant en mei [[2003]] stjoerde de Omrop de [[Fryske Top 40]] op Twadde Krysdei út. Letter wie der ek in útstjoering mei [[Piter Wilkens]]. Minsken koenen doe harren favorite listke opstjoere mei in brievekaart, it late der ta dat de postbussen útpûlen. Yn 1999 wie der gjin útstjoering, dy waard yn 2000 ferfong troch de Fryske Top 100. It waard sa'n súkses dat yn it programma wolris in houliksoansyk dien waard. De lêste jierren is it in multymediaal barren dat ek op televyzjetelefyzje te sjen is.
It giet om de hûndert bêste [[Fryslân|Fryske]] nûmers nei de kar fan de minsken dy’t in stim útbrocht hawwe. Om ta de top 100 te kommen kinne minsken yn de rin nei âldjiersdei harren top fiif fan nûmers ynfolle. Der kin op [[Frysk|Fryske]] ferskes stimd wurde en op ferskes dy't yn in Fryske streektaal songen wurde.
Sûnt [[2010]] makket Omrop Fryslân om de Fryske Top 100 in televyzjeprogrammatelefyzjeprogramma. Yn de rin fan novimber en desimber wurdt mei sân ôfleverings nei âldjiersdei en de Fryske Top 100 tawurke. Yn de ôfleverings wurdt omtinken jûn oan de Fryske muzyk en artysten, ek binne der live optredens en spylje artysten nûmers fan oaren út de Top 100.
