Der binne fan ''Jiskepûster'' withoefolle adaptaasjes makke ta oare media, mei dêrûnder [[toanielstik]]ken, [[musikal]]s, [[opera|opera's]], [[ballet]]ten, [[film]]s, [[tillevyzjetillefyzje]], [[animaasje]] en [[muzyk]]. Fierwei de bekendste adaptaasje is lykwols de animaasjefilm ''[[Cinderella (Disney)|Cinderella]]'' fan [[Walt Disney]], út [[1950]], dy't fierhinne op 'e ferzje fan Perrault basearre is. Gjin tean- of hakke-ôfsnijerij by Disney, mar inkeld lakswiete ferskes yn in jimmergriene wrâld, dêr't it ferhaal fan 'e bruorren Grimm wat krú by ôfstekt. Disneys ''Cinderella'' wurdt hjoed de dei beskôge as ien fan 'e grutte animaasjeklassikers en is ien fan 'e meast besjoene tekenfilms aller tiden.
