Lord Howe (eilân): ferskil tusken ferzjes

De [[ekonomy]] fan Lord Howe stipet op mar twa dingen: de [[eksport]] fan [[kentiapalm]]en as [[sierplant]]en, en it [[toerisme]]. De lânseigen kentiapalm wurdt op it eilân de ''thatch palm'' ("tekpalm") neamd, mei't de iere kolonisten de blêden brûkten om 'e dakken fan harren wenten mei te bedekken. It mylde [[klimaat]] hat makke dat dizze [[palmbeam|palmsoarte]] mei in bytsje ljocht, in droegedrûge lucht en legige [[temperatuer]]en takin, wat it in ideäle [[plant]] makket foar binnendoar. It is no de populêrste sierplant fan 'e wrâld, en mei de ferkeap fan sied en jonge planten fertsjinnet Lord Howe [[Australyske dollar|Au$]]2 miljoen jiers – net in reuseftich bedrach, mar dochs net gek foar in befolking fan mar 350 minsken.

Lord Howe hat in [[subtropysk klimaat]], mei mylde of waarme, ridlik droegedrûge [[simmer]]s en koele, dweiltrochwiete [[winter]]s. [[Hjerst]] en [[maityd]] foarmje koarte oergongen tusken de beide haadseizoenen. De waarmste moanne, mei in trochsneed [[temperatuer]] oerdeis fan 25,7 °C, is [[febrewaris]], wylst [[july]] en [[augustus]] mei in gemiddelde fan 18,9 °C oerdeis, de "kâldste" moannen binne. It eilân kriget jiers yn trochsneed 1.499 mm [[rein (delslach)|rein]]. Inkeld hat Lord Howe te lijen fan tropyske [[sykloan]]en, al komt dat net faak foar.