De Eed fan Kolvillág: ferskil tusken ferzjes

'''''De Eed fan Kolvillàg''''', yn it oarspronklike [[Frânsk]]: '''''Le Serment de Kolvillàg''''', is in [[roman]] fan 'e [[joadendom|Joadsk]]-[[Feriene Steaten|Amerikaansk]]e [[skriuwer]], [[heechlearaar]], polityk aktivist, [[Nobelpriis]]winner en [[holokaust]]oerlibbene [[Elie Wiesel]] ([[1928]]). De tiidleaze [[likenis]] oer de [[Joaden]] en harren ferfolgers, dy't troch Wiesel op in tige [[non-lineêre fertelling|non-lineêre]], fragmintaryske, suver [[surreälisme|surreälistyske]] wize útwurke is, ferhellet fan in anty-joadske [[pogrom]] yn 'e jierren tweintich fan 'e [[tweintichste ieuiuw]], en fan it libben fan 'e iennichste oerlibbene dêrfan. ''Le Serment de Kolvillàg'' waard foar it earst útjûn yn [[1973]]. Yn [[2005]] waard it oerset yn it [[Frysk]], mar dy fertaling is spitigernôch nea útjûn.

As yn 'e tweintiger jierren fan 'e [[tweintichste ieuiuw]] yn it (fiksjonele) [[Hongarije|Hongaarske]] plakje Kolvillàg in [[kristendom|kristlike]] jonge ferdwynt, wurdt de pleatslike Joadske mienskip al rillegau beskuldige fan rituële moardpraktiken. De spanning kin men suver fiele en taaste, en in pogrom driget. Dan komt in bûtengewoane man fanwegen, Moshe de Dreamer, in [[mystyk|mystikus]] of in gek, dy't in falske bekentenis fan [[moard]] ôfleit yn in fergees besykjen om it ûnheil fan syn folk ôf te kearen. De Joadske mienskip komt gear om syn lêste wurden oan te hearren, en dêrmei freget er harren om stil te hâlden wat der yn Kolvillàg bard is en nea mei lykfolwa te praten oer de dagen en nachten fan eangstme. Alle oanwêzigen lizze dêrop in eed ôf om har oan syn fersyk te hâlden.