Tomahawk (bile): ferskil tusken ferzjes

De namme komt fan it wurd ''tamahaac'', út 'e [[Algonkwynske talen|Algonkwynske]] [[Pouhattan (taal)|Pouhattan]]-taal, dat weromgiet op 'e [[Proto-Algonkwynsk]]e woartel *''temah-'', dat "ôfsnije mei ark" betsjut. Besibbe talen hawwe soartgelikense wurden (bgl. [[Delawêr (taal)|Delawêr]] ''tǝmahikan'', [[Malisiit (taal)|Malisiit]] ''tomhikon'', [[Abenaky (taal)|Abenaky]] ''demahigan''), dy't allegear fan "bile" betsjutte. As [[lienwurd]] krong dizze term yn 'e [[santjinde ieuiuw]] it [[Ingelsk]] binnen, en dêrwei hat er him sûnt ferspraat nei in ferskaat oan oare Westerske talen.

[[File:Tomakawk.jpg|left|thumb|250px|In piip-''tomahawk'' út 'e iere [[njoggentjinde ieuiuw]].]]

Yn 'e twadde helte fan 'e [[achttjinde ieuiuw]] dielde it [[Grut-Brittanje|Britske]] leger ûnder de [[Amerikaanske Unôfhinklikheidsoarloch]] foar it earst ''tomahawks'' út oan syn manskippen, om har sawol ta wapen as ta ark te tsjinjen. Yn 'e moderne tiid waarden ''tomahawks'' op 'e nij as oarlochswapen en ark brûkt troch [[Feriene Steaten|Amerikaanske]] elitetroepen yn 'e [[Fjetnamoarloch]]. Dêrfandinne dat militêre ''tomahawks'' tsjintwurdich bekendsteane as "Fjetnam-''tomahawks''". Orizjinele Fjetnam-''tomahawks'' út 'e jierren sechtich binne tsjintwurdich trouwens seldsume sammeldersfoarwerpen, dy't hege prizen opbringe. Ek Amerikaanske troepen yn [[Irak]] en [[Afganistan]] binne/wiene mei ''tomahawks'' tarist.