Hammoerabi: ferskil tusken ferzjes

'''Hammûraby''' ([[Akkadysk]]e foarm fan it [[Amoritysk]]e ''ˤ Ammurāpi'', "besibbe genêzer", ôflaat fan ''ˤ Ammu'', "besibbe oan heitekant", en ''Rāpi'', "genêzer"), ± [[18e ieuiuw f.Kr.|1795 - 1750 f.Kr.]] wie de seisde kening fan [[Babylon (Babel)|Babylon]]. Hy waard as [[Amoriten|Amoryt]] de earste kening fan it [[Babyloanje|Ald Boabyloanyske Ryk]]. Troch in rige oarloggen tsjin de oanlizzende keninkriken te winnen, slagge hy deryn de kontrôle fan Babylon oer [[Mesopotaamje]] út te wreidzjen. Hoewol't syn ryk hiel Mesopotaamje kontrolearre op it momint fan syn ferstjerren, wienen syn opfolgers net by steat om dat ryk by ien te hâlden.

De wetten dy't fan Hammûraby oerlevere binne, de saneamd ''[[Kodeks Hammûraby]]'', binne optekene op in sawat 3 meter hege stèle fan swart [[dioryt]] yn it Ald-Babyloanysk. De stien waard yn desimber 1901 ûntdekt yn [[Susa (Iran)|Susa]] (yn Elam), no lizzend yn Koezistan, dêr't hy yn de [[12e ieuiuw f.Kr.]] bedarre wie as bút fan de [[Elamiten]]. De stien wurdt op it heden tentoansteld yn it [[Louvre]] yn Parys. De wetten fan Hammûraby jilden as ien fan de earste skriftlike kodifikaasje yn de skiednis, mar binne sels baseare op noch eardere Sumearyske wetten.