'''Miguel de Barrios''' ([[HebrieuskHebriuwsk]]e namme: '''Daniel ha-Levi'''; [[Montilla]], ±[[1625]] – [[Amsterdam]], febrewaris [[1701]]) wie in [[Spanje|Spaanske]] [[dichter]], [[toanielskriuwer]] en [[histoarikus]] fan ta it [[kristendom]] bekeard [[Joaden|Joadsk]] komôf. Mei't sokke ''[[converso|converso's]]'' slim te lijen hiene ûnder de [[Spaanske Ynkwisysje]], ûntflechte er al ier syn heitelân en libbe dêrnei yn ferskate oare lannen. Yn 'e [[Súdlike Nederlannen]] naam er in hoart lang tsjinst yn it Spaanske leger, mar úteinlik fêstige er him yn Amsterdam, dêr't in grutte mienskip fan [[Sefardyske Joaden]] bestie. Barrios wie de bekendste en meast produktive fan 'e Joadsk-Spaanske skriuwers út 'e [[santjinde ieuiuw]]. Syn wurken binne foar histoarisy gauris de iennichste boarne fan ynformaasje oangeande de Joadske learden en ynstituten fan syn tiid.