De ierst bekende ferwizing nei it hâlden fan mûzen as hûsdieren stiet yn 'e ''[[Erya]]'', it âldste oerlevere [[Sineesk]]e [[wurdboek]], dat datearret út 1.100 f.Kr. Yn [[Jeropa]] waard it hâlden fan en fokken mei mûzen populêr troch de yntroduksje fan eksimplaren út [[Japan]] wei, yn 'e iere [[santjinde ieuiuw]]. Yn [[1895]] rjochte [[Walter Maxey]] yn it [[Fiktoriaanske tiid|Fiktoriaanske]] [[Ingelân]], dêr't it fral foar fammen en dames fan stân modieus wie om in [[echte mûzen|mûs]] of [[sliepmûzen|sliepmûs]] as selskipsdier te hawwen, de ''National Mouse Club'' op. Datselde jiers noch hold dy organisaasje yn [[Lincoln (Ingelân)|Lincoln]] syn earste mûzetentoanstelling. Neitiid wreide it hâlden fan mûzen him oer de hiele Westerske wrâld út, en no wurde yn withoefolle lannen jierlikse tentoanstellings holden, en ek wedstriden, wêrby't de bistkes beoardiele wurde op kleur, lichemsfoarm en hâlden en dragen.
