'''Wulfram''' wie in [[Franken|Frankyske]] sindeling, stoarn foar [[704]] dy't om-ende-by [[700]] yn it [[Fryske ryk]] preke. Hy wie biskop fan [[Sens]] en it is net rjocht dúdlik wat hy yn it gebiet fan [[Willibrord]] die.
Oer him is in anekdoatetal anekdoates oerlevere, ûnder oare wêryn oan it hof fan de Fryske kening [[Redbad]] minsken troch it lot oanwiisd waarden om te offere wurden yn de see. Under harren wienen ek bern en de Fryske kening sels hie gjin foech om yn te gripen yn it ritueel doe't Wulfram him frege om it te stopjen. Neffens in oar ferhaal hie der Redbad sawat oerhelle om him fan syn âlde leauwen ôf te kearen en kristen te wurden. Lykwols seach Redbad op it lest momint dêrfan ôf doe't er op syn fraach wêr't syn foarâlden ferbleaunen te hearren krige dat dy yn de hel sieten. Redbad woe yn it [[hjirneimels]] net skieden wurden fan harren en hat him dêrom net dopen litten.
