It '''Proto-Yndo-Jeropeesk''' is de [[oertaal]] dêr't alle [[Yndo-Jeropeeske talen]] (en útslutendinkeld de Yndo-Jeropeeske talen) op weromgeane. Foarhinne waard dizze [[taal]] ek wol '''Proto-Yndogermaansk''' neamt, mar yn 'e [[tweintichste iuw]] is dy term besmodge rekke doe't de [[nazys]] dermei oan 'e haal giene foar harren [[ras (klassifikaasje fan minsken)|rasse]]-[[ideology]]. Der binne gjin skriftlike boarnen oerlevere fan dizze Yndo-Jeropeeske oertaal, mar op grûn fan yndirekt bewiismateriaal (d.w.s. troch de hjoeddeistige Yndo-Jeropeeske talen mei-inoar te ferlykjen) hawwe [[taalkundige]]n it Proto-Yndo-Jeropeesk dochs rekonstruëarje kinnen.