[[Ofbyld:Votive statuette BM 510.jpg|thumb|120px|''Foarbyld fan in artefakt: in brûnzen [[Etrusken|Etruskyske]] [[ex-voto]] fan in [[kouros]]. Fynplak: [[Chiusi]]. ± 550-530 foar Kristus [[Britsk Museum]], [[Londen]].'']]
In '''artefakt''' ([[Latyn]]: ''arte factum'' - 'keunstmjittich makke') is yn de [[argeologyarcheology]] de beneaming foar elts ferpleatsber ding dat troch minsken makke, bewurke en/of brûkt is. (Bouwurken, sa as de [[piramide fan Cheops]] en de [[hunebêd]]en yn [[Drinte]], binne dus gjin artefakten.) Artefakten wurde meast by [[argeologyskearcheologyske opgraving|opgravings]] fûn. Inkelde foarbylden fan artefakten: in [[fjoerstien]]nen [[fûstbile]], in terrakotta [[amfora]], in brûnzen [[fibula]], in [[barnstien]]nen kraal, kleanguod, in gouden munt, in bienen fiskheak, diggelguod, ensafuorthinne.
Somtiden wurdt der yn de argeologyarcheology neier ûnderskied makke tusken fynsten dy't mei opsetsin makke of bewurke binne: ''artefakten'', en ''[[ekofakt]]en'' of [[biofakt]]en, de objekten dy't wol mei it minsklik libben te krijen hawwe, mar net troch minsken makke binne. Dan giet it om saken as natuerlike materialen (bygelyks nôtresten, bonken fan húsdieren (fee), stofmoal).