|
[[Ofbyld:Follis-Flavius Valerius Severus-trier RIC 650a.jpg|right|thumb|250px|Munten mei in ôfbylding fan Severus II]]
'''SeverusSevearus II''', folút, [[Latyn]]: '''Flavius Valerius Severus''' (? - [[16 septimber]] [[307]]), wie keizer fan it [[Romeinske ryk]] yn it tiidrek fan de [[Tetrargy]]. Hy regearfe fan augustus of septimber [[306]] ôf oant begjin 307.
== Libben ==
SeverusSevearus kaam, krekt as syn goede freon en lettere meikeizer [[Galerius]], út de Romeinske provinsje [[Illyrikum]]. Hy wie fan goede komôf en tsjinne as militêr ûnder ferskate keizers. Dat is alles wat wy oer him witte oant syn beneaming as [[Caesar (titel)|Caesar]] troch keizer [[Diokletianus]].
Op [[1 maaie]] [[305]] waard SeverusSevearus beneamd as Caesar fan it westlike part fan it ryk, ûnder keizer [[Konstantius Klorus]]. De keizer fan it westen kaam lykwols it jier dêrop al te stjerren, doe't hy yn [[Brittanje]] dwaande wie mei de tariedings foar in fjildtocht tsjin de [[Pikten]].
Nei de dea fan Konstantius ûntstiene der problemen doe't it leger yn Brittanje [[Konstantyn de Grutte]], de soan fan de ferstoarne keizer ta opfolger útrôp. Troch Galerius waard SeverusSevearus lykwols as opfolger keazen ynstee fan Konstantyn, dy't as kompensaasje wol de funksje fan Caesar krige.
Yn [[oktober]] 306 ûnstiene der op 'e nij problemen as ynienen de [[usurpator]] [[Maksentius]], soan fan de eardere keizer [[Maksimianus]], op it toaniel ferskynt. Maksentius besocht Galerius safier te krijen him ek keizer wurde te litten. Mar Galerius wol hjir neat fan witte en stjoert SeverusSevearus mei it leger op him ôf. By [[Rome (stêd)|Rome]] waard Maksentius troch it leger fan SeverusSevearus ynsletten, mar dat selde leger liet har ek omkeapje troch Maksentius. Ynstee fan Maksentius moat no SeverusSevearus flechtsje. SeverusSevearus ferskânzet him yn [[Ravenna (stêd)|Ravenna]], mar wurdt troch in falstrik finzen nommen. Dêrnei waard SeverusSevearus nei Rome brocht en as Galerius yn [[307]] [[Itaalje]] ynfalt om Maksentius te ferdriuwen, stoar SeverusSevearus ûnder fertochte omstannichheden.
== Keppeling om utens ==
* [http://www.roman-emperors.org/severus.htm {{aut|M. DiMaio Jr.}}, artikel oer SeverusSevearus II (306-307 A.D.), yn ''DIR'' (1996).]
[[Kategory:Romeinsk keizer]]
| 