Stalferwikseling: ferskil tusken ferzjes

'''Stalferwikseling''', '''stalferoaring''', '''foarmferoaring''' of mei in [[Ingelsk]] wurd '''foarmferoaring''shapeshifting''''' is yn 'e [[mytology]], [[folkloare]] en in diel fan 'e [[literatuer]] it fermogen fan in [[wêzen]] om himsels lichaamlik te transformearjen fan 'e iene nei de oare lichaamlike foarm. Soks wurdt yn 'e regel berikt troch in ynherinte eigenskip dêrta, troch [[god]]like tuskenkomst, troch in [[betsjoening]] of troch it gebrûk fan in [[magy]]ske [[talisman]]. Yn 'e [[natuer]] komt ek in proses fan stalferwikseling foar, by [[lidpoatigen]] en [[amfibyen]], dat [[metamorfoaze]] hjit; dat stiet lykwols folslein los fan it idee fan stalferwikseling, dat teminsten al sûnt de iere [[Aldheid]] bestiet. It hat boppedat wol kâns dat it bestean fan it konsept stalferwikseling universeel is en dus yn alle [[minske|minsklike]] [[kultuer]]en foarkomt. Der wurdt nei ferwiisd yn 'e âldste foarmen fan [[toatemisme]] en [[sjamanisme]], en teffens yn 'e âldst oerlevere [[literatuer]] en [[epysk gedicht|epyske gedichten]], wêrûnder sokke iere en ferneamde wurken as it [[Sûmearje|Sûmearyske]] ''[[Epos fan Gilgamesj]]'' en de [[Aldgryksk]]e ''[[Ilias]]''.