De '''WinnipegosismarWinnipegosis-mar''' ([[Ingelsk]]: ''Lake Winnipegosis''; [[Frânsk]]: ''Lac Winnipegosis''), is in grut binnenwetter yn it sintrale diel fan it [[Noard-Amearika|Noardamerikaanske kontinint]], en de op ien nei grutste fan 'e mear as 110.000 [[mar]]ren yn 'e [[Kanada|Kanadeeske]] [[Kanadeeske provinsjes en territoaria|provinsje]] [[Manitoba]] (nei de [[Winnipegmar]]). It hat in oerflak fan krapoan 5.400 km² en in djipste punt op 18 m ûnder it wetteroerflak.
De WinnipegosismarWinnipegosis-mar hat in langwerpige foarm, wêrby't de beide úteinen rûchwei nei it noarden en suden wize. Op it langste punt mjit de mar 240 km en op it breedste 51 km. In gebiet fan hast 50.000 km² wetteret yn 'e WinnipegosismarWinnipegosis-mar ôf, en giet dêrwei streamôf troch de rivier de [[Waterhen (rivier)|Waterhen]], fia de [[Manitobamar]] en de [[Winnipegmar]], en úteinlik troch de rivier de [[Nelson (rivier)|Nelson]] rjochting de [[Hudsonbaai]].
Foarhinne waard de Ingelske namme ek wol skreaun as ''Lake Winipigoos'' of ''Lake Winipigis'', mar dy staveringsfoarmen binne no sa stadichoan útstoarn. De namme "Winnipegosis" is in ferlytsingsfoarm fan "Winnipeg", dat "dridzich wetter" betsjut; sadwaande kin "Winipegosis" dus oerset wurde as "dridzich wetterke" of "lyts dridzich wetter".
De WinnipegosismarWinnipegosis-mar is ferneamd om 'e kommersjele [[fiskerij]] op [[breedbekbears]] en oare [[soarte]]n swietwetter[[fisk]], lykas [[snoek]] en [[harder]], dy't tsjintwurdich mear as 80% fan 'e fangst útmeitsje. Teffens is it in trekpleister foar [[trekfûgel]]s, en sadwaande komme der by 't hjerstmis ek altyd in protte jagers op 'e mar ôf.
