Tasitus (skriuwer): ferskil tusken ferzjes

Underwilens wie Tasitus úteinset mei in glânsrike politike karriêre. In pear jier nei syn houlik wied er ûnder keizer [[Fespasianus]] wierskynlik al lid fan 'e ''XX-vir'' (it tweintich koppen tellende preesterkolleezje). Histoarikus G. Alföldy hat de tige oannimlike ynterpretaasje oppenearre dat Tasitus troch keizer [[Titus (keizer)|Titus]] oantsjutten is as ''[[quaestor Augusti]]'', de persoan dy't de taspraken fan 'e keizer oan 'e [[Romeinske Senaat|Senaat]] skreau èn foarlies, basearre op in ynskripsje op it grêfmonumint fan Tasitus oan 'e Via Nomentana te Rome.<ref><span style="font-variant: small-caps;">Alföldy, G.</span>, ''Bricht der Schweigsame sein Schweigen? Eine Grabinschrift aus Rom'', yn: ''Mitteilungen des deutschen archeologischen Instituts, Römische Abteilung'' 102 (1995), s. 251-268.</ref> Nei alle gedachten ferfolle er dat amt yn [[80]] of [[81]], of op syn lêstenletst yn [[82]]. As er yn 81 ''[[quaestor (Rome)|quaestor]]'' wie, wol dat sizze dat er sawol ûnder Titus as ûnder dy syn broer [[Domitianus]] wurdfierder wie, want Titus stoar op [[13 septimber]] [[81]]. Doe't er ''quaestor''-ôf wie, waard Tasitus as ''[[homo novus]]'' (earste fan in famylje dy't dêr in sit hie) opnommen yn 'e [[Romeinske Senaat]]. Ut 'e ynskripsje op syn grêfmonumint is ek op te meitsjen dat er yn [[84]] of [[85]] de funksje fan ''[[aedilis]]'' oersloech om daliks ta ''[[tribunus plebis]]'' keazen te wurden. Yn [[88]] wied er sels ''[[praetor]]'' (in funksje yn 'e rjochtspraak) en teffens lid fan it prestizjeuze preesterkollezje fan 'e fyftjin (''[[quindecimviri sacris faciundis]]''). Yn [[89]] waard er foar fjouwer jier ôffurdige foar in post yn 'e provinsjes, dêr't er itsij oan it haad fan ien fan 'e legioenen stie, itsij in boargerlik amt hie.