[[File:Family Portrait.jpg|right|thumb|250px|In gesin mei twa âlden en trije bern.]]
In '''gesin''' of '''húshâlding''' is in beheinde ienheid fan [[minske]]n mei in nauwe [[besibskip]]sbân, dy't bestiet út teminsten twa folwoeksenen en ien [[bern (persoan)|bern]]. Twa folwoeksenen dy't [[houlik|troud]] binne of in relaasje hawwe en duorjend [[gearwenjen|gearwenje]], mar dy't gjin bern hawwe, wurde ornaris net as in gesin beskôge. De termen gesin en [[húshâlding]] wurde faak trochinoar brûkt, mar húshâlding is eins in breder begryp; in [[troud pear]] sûnder bern foarmet wol in húshâlding, mar is gjin gesin. Sels in [[allinnichsteande]] hat in eigen húshâlding. It gesin wurdt wol de 'hoekstien fan 'e [[maatskippij]]' neamd, benammen troch [[kristen-demokrasy|kristen-demokratyske]] [[politike partij]]en, dy't it stiftsjen fan in gesin ferbine oan [[kristendom|kristlike]] [[noarmen en wearden]]. In gesin is in dynamysk gehiel, wêrfan't de relaasjes tusken de leden feroarje neigeraden dat se âlder wurde.
[[File:Besibskip.PNG|left|thumb|450px|Besibskipsrelaasjes yn in [[famylje]].]]
