'''Johan van Oldenbarnevelt''' ([[Amersfoart]], [[14 septimber]] [[1547]] – terjochtsteld [[De Haach]], [[13 maaie]][[ 1619]] wie de belangrykste Nederlânske steatsman yn de earste faze fan de [[tachtichjierrige oarloch]]. Hy waard slachtoffer fan in politike moard troch oanhingers fan [[Maurits van Oranje|Prins Maurits fan Oranje]].
Johan van Oldebarnevelt waard berne yn in boargerlik gesin. Mar erder wie altyd in soad spul thús. Syn heit Gerrit kaam gauris yn oanrekking mei justysje fanwege dronkenskip of geweld. Johan besocht wierskynlik de [[Latyn|Latynske]] skoalle yn Amersfoart. Dernei gie hy nei De Haach om as [[advokaat]] te wurkjen. Tusken [[1566]] oant [[1570]] studearre hy yn [[Leuven]], [[Bourges]], [[Keulen]], [[Heidelberg]] en [[Padua]]. It is net wis of hy ek alle graden helle hat. Yn 1570 wurdt hy abbekaat by it [[hof fan Hollân]]. Yn 1576 wurdt hy pensjonaris fan [[Rotterdam]]. Hy hie himsels oanslutenoansletten by de opstân. Yn 1578 troude hy mei regintedochter Maria fan Utert. Yn 1586 wurdt Van Oldenbarnevelt [[lânsabbekaat]] fan de [[Steaten fan Hollân]]. Dizze funksje soe hy behâlde oant syn dea.
