Broedertrouw: ferskil tusken ferzjes

De feriening stelt har yn it earste plak de lotsferbettering fan de arbeiders as doel. De feriening, dy't al gau 500 leden hie, organisearre meardere stakings faak ek rjochte tsjin de [[keppelarbeid]]. De ôfdieling St.-Jabik fan Broedertrouw formulearret yn de maitiid fan 1890 har leaneask en leit dy foar oan de boeren. De boeren wegerje op it foarstel yn te gean mei as gefolch dat op [[17 maaie]] de lânarbeiders it wurk dellizze. De reaksje op it súkses fan Broedertrouw komt gau. Yn de midden fan 1890 fine 150 boeren yn [[It Bilt]] elkoar en ferbine har ta ûnderlinge steun by wurkstaking. It ferrin fan de staking is rêstich, dochs beslút it regear 100 man ynfantery, 25 fjildwachters en in oantal maresjesees nei it 'oproerige' gebiet te stjoeren. De bouboeren besykje de staking te brekken mei help fan ûnderkrûpers dy't se 15 sinten yn it oere betelje mei kost en ynwenning. [[Germ van Tuinen]] en [[Jan Stap]], de stakingslieders, wurde der fan beskuldige ûnderkrûpers mei de dea bedrige te hawwen. Beide wurde lykwols frijsprutsen. Harren abbekaat wie [[Pieter Jelles Troelstra]].

 

[[Kategory:Sosjalisme]]

[[Kategory:Fryske feriening]]