Binnenhôf: ferskil tusken ferzjes

It '''Binnenhôf''' is in fan oarsprong [[Midsiuwen|midsiuwsk]] gebouwekompleks yn [[De Haach]], dat al iuwenlang it sintrum fan de [[Nederlân]]ske [[polityk]] is. It is ûntstien troch de bou (tusken [[1230]] en [[1234]]) fan in kastiel troch de greven fan [[Greefskip Hollân|Hollân]], dy't der sûnt de 13de iuw harren residinsje hiene. Ek troch de [[Republyk fan de Sân Feriene Nederlannen|Republyk fan de Feriene Nederlannen]] (1579-1795) en it yn 1815 foarme [[Keninkryk fan de Nederlannen]] waard dizze lokaasje as bestjoerssintrum oanhâlden. Hjoeddedei binne sawol de [[Earste Keamer|Earste]] as de [[Twadde Keamer]], it [[ministearje fan Algemiene Saken]], de [[ministerried]], de [[Ried fan Steat]] en it kantoar fan de [[minister-presidint]] oan it Binnenhôf fêstige. It Binnenhôf is wrâlds âldste parlemintsgebou dat noch hieltyd brûkt wurdt.<ref>[https://www.parlement.com/id/vh8lnhrrz1r3/gebouwen_op_het_binnenhof Gebouwen op het Binnenhof.] ''Parlement & Politiek.'' Rieplachte op 5 maart 2018.</ref>