Single (muzyk): ferskil tusken ferzjes

In '''single''' (útspr.: ['sɪŋɡəl], likernôch "<u>sing</u>-g'l"; [[Ingelsk]] foar "inkel[tsje]") is in [[lûdsdrager]] dêr't mar ien of twa [[liet]]en fan in [[sjonger]], [[muzikant]] of [[band]] op steane. It is de goedkeapere wjergader fan it [[album (muzyk)|album]]. De term 'single' wurdt tsjintwurdich lykwols faker yn [[oerdrachtlike sin]] brûkt om ien inkeld nûmer fan in album oan te tsjutten, dat apart útbrocht wurdt by wize fan [[promoasje]] fan dat album. De populêrste singles wurde opnommen yn 'e [[hitlist]]en, lykas de [[Nederlânske Top 40]], de [[Single Top 100]] en de [[Mega Top 50]]. Se wurde dan faak ôfspile op [[radio]]- en [[tillefyzje]]stjoerders dy't har spesifyk talein hawwe op [[muzyk]], lykas [[MTV]], [[538 (merk)|538]], [[3FM]] en [[Sky Radio]].

 

 

Fan oarsprong waarden singles ntl. útbroch op [[grammofoanplaat|grammofoanplaten]] dy't makke wiene fan [[finyl]]. Dy wiene op [[platespiler]]s twasidich ôfspylber en draaiden yn 'e regel op 'e fluggens fan 45 [[toeretal|toeren]] (oftewol 45 [[draaiïngs per minút|rpm]]). De kant dêr't it haadnûmer op stie, hiet dan de A-kant, en op 'e oare kant, dy't de B-kant of de ''flipside'' neamd waard, foege men dan in twadde, minder '[[hit (muzyk)|hitgefoelich]]' nûmer ta. Hoewol't singles tsjintwurdich op [[cd's]] útbrocht wurde, dy't mar inkelsidich ôfspylber binne, is de âlde terminology fan 'A-kant' en 'B-kant' yn gebrûk bleaun.