Sittende Bolle: ferskil tusken ferzjes

Ornaris wurdt steld dat Sittende Bolle om [[1831]] hinne berne waard oan 'e [[Grand River (Súd-Dakota)|Grand River]], yn it [[Dakota (territoarium)|Dakota-territorium]], al hold syn oerpaksizzer yn [[2007]] op grûn fan [[oerlevering|mûnlinge oerlevering]] út dat er oan 'e rivier de [[Yellowstone (rivier)|Yellowstone]] berne waard, justjes besuden it hjoeddeiske [[Miles City (Montana)|Miles City]], yn 'e [[Amerikaanske steaten|steat]] [[Montana]]. Syn heit wie Springende Bolle en syn mem hiet fan Har-Hillige-Doar. Nei de Lakota-tradysje krige er letter ien fan syn heite nammen taparte, Tȟatȟáŋka Íyotake, dat "Sittende Bolle" betsjut, en ferwiist nei syn heite liederskip yn in grutte slach tusken de Lakota en de [[KroKrieën (folk)|KroKrieën]]. Sittende Bolle troude letter fiifris, mei Ljocht Hier, Fjouwer Kladen, Snie-op-Har, Sjoen-troch-Har-Folk en Skarlekkene Frou. Hy krige yn elts gefal twa bern, in soan, [[Kraaiepoat (soan fan Sittende Bolle)|Kraaiepoat]], en in dochter, Mannich Hynder. Fierders hied er noch in oannommen soan, [[Ien Bolle]], en twa oannommen dochters, Rint Sjende en [[Annie Oakley]]. Sittende Bolle wie in lid fan 'e [[Hûnkpapa]]-stamme fan 'e [[Lakota (folk)|Lakota]]. De Lakota binne ien fan 'e trije útsprantels fan 'e [[Sû (folk)|Sû]], yn 'e mande mei de [[Westlike Dakota (folk)|Westlike Dakota]] en [[Eastlike Dakota (folk)|Eastlike Dakota]].