Fernuniversität Hagen

De Fernuniversität in Hagen (Ofstânsuniversiteit yn Hagen) is in Dútske universiteit dy't universitêr ôfstânsûnderwiis biedt. De universiteit is fêstige yn de stêd Hagen. Dêrneist hat de universiteit yn oare Dútske stêden en yn it bûtenlân regionale stúdzjesintra. Mei sa likernôch 75.000 studinten is it de grutste universiteit fan Dútslân.

Fernuniversität in Hagen
Namme
Biedwurd	Ipsa Scientia Potestas Est (De wittenskip sels is macht)
Lokaasje
Lân	Dútslân
Plak	Hagen
Oare bysûnderheden
Oprjochting	1974
Rektor	Ada Pellert
Tal studinten	74.205 (2018)
Offisjele webside
https://www.fernuni-hagen.de www.fernuni-hagen.de

Haadgebou fan de Fernuniversität Hagen

De universiteit sette yn 1974 útein as universiteit en hegeskoalle. Sûnt 2003 wurde der inkeld noch universitêre stúdzjes oanbean. De universiteit kriget oerheidsjild en de diploma's fan de Fernuniversität Hagen binne lykweardich oan diploma's fan reguliere universiteiten.

Organisaasje

Yn april 2018 hie de universiteit 85 professoaren yn tsjinst.

Fakulteiten

De universiteit is hat de neikommende fakulteiten:

• Fakulteit foar kulturele en sosjale wittenskippen.
• Fakulteit foar wiskunde en ynformatika.
• Fakulteit foar ekonomyske wittenskippen.
• Fakulteit foar Rjochtsgeleardheid.

Regionale stúdzjesintra

De regionale stúdzjesintra binne dependânses fan de Fernuniversität Hagen yn Dútslân en it bûtenlân. Sa hawwe studinten de mooglikheid om (relatyf) tichtby hûs aktiviteiten by te wenjen, toetsen te meitsjen, literatuer te lêzen of fragen te stellen.

De 13 Dútske regionale stúdzjesintra binne fêstige yn: Berlyn, Bonn, Coesfeld, Frankfurt am Main, Hagen, Hannover, Hamboarch, Karlsruhe, Leipzig, München, Neuss, Nürnberg en Stuttgart.

It stúdzje materiaal kin de hiele wrâld oer stjoert wurde sadat in stúdzje yn it bûtenlân ek mooglik is. De universiteit hat gearwurkingspartners en stúdzjesintra yn: Eastenryk, Hongarije, Letlân, Ruslân en Switserlân.

Oantal studinten

Untjouwing fan it tal studinten oan 'e Fernuniversität Hagen.

Boarnen, noaten en referinsjes

Boarnen, noaten en/as referinsjes: