Toby Keith: ferskil tusken ferzjes

Yn [[septimber]] [[1994]] brocht Keith by [[Polydor Records]] yn Nashville, in [[difyzje]] fan Mercury, syn twadde album út, ''Boomtown'', dat ek platina waard. It nûmer ''Who's That Man?'' helle it earste plak yn 'e countryhitlisten, ''Upstairs Downtown'' en ''You Ain't Much Fun'' hellen de top 10 en ''Big Ol' Truck'' berikte it 15e plak. Ein [[1995]] kaam, ek by Polydor, in [[kryst]]album fan Keith út, mei as [[titel (namme)|titel]] ''Christmas to Christmas'', dêr't inkeld eigenskreaune lieten op stiene. Yn [[april]] [[1996]] publisearre Keith syn trêde (algemiene) [[album (muzyk)|studio-album]] by de Nashville-ôfdieling fan [[A&M Records]]. De [[namme]] fan dat album wie ''Blue Moon'', en it omfieme trije [[single (muzyk)|singles]], wêrfan't ''Me Too'' Keith in trêde earste plak besoarge, ''Does That Blue Moon Ever Shine on You'' heakjen bleau op it twadde plak en ''A Woman's Touch'' it sechsde plak helle. Yn [[1996]] wurke Keith ek mei oan it album ''Stars and Stripes, Vol. 1'' fan 'e [[popmuzyk|popband]] [[The Beach Boys]], wêrby't er meisong oan 'e nije ferzje fan it nûmer ''Be True to Your School'', dat oarspronklik yn [[1963]] útbrocht wie.