Ferhearliking op 'e Berch: ferskil tusken ferzjes
Content deleted Content added
L skilder |
No edit summary |
||
Rigel 6:
==It Foarfal==
Neffens de [[evangeelje]]s nimt Jezus syn dissipels Petrus, Jakobus en Jehannes mei him en klommen op in berch, dêr't de namme net fan neamd is. Doe't hja op de berch wiene, feroare neffens Mattéus 17:2 de stal fan Jezus foar harren; "Syn gesicht begûn as de sinne te skinen en syn klean waarden sa wyt as ljocht". Doe seagen se ynienen de profeten Moazes en Elía mei Jezus te praten. Neffens Lukas waard der praat oer Jezus syn yntocht yn [[Jeruzalim]] en de [[Opstanning]].<br/>
Op it stuit dat de profeten begûnen te ferfarren frege Petrus oan Jezus dat de dissipels trije tinten opsette moatte soene; ien foar him en ien foar elts fan de profeten. Foar't Petrus noch útpraat wie, ferskynde der in wolk dêr't in stim út wei kaam en sei: ''Dit is Myn Soan, Myn ynleave Jonge, dêr't Ik sa wiis mei bin. Harkje nei Him''. Doe foelen de dissipels plat op de grûn en wiene se sa kjel. Mar Jezus bûgde oer harren en sei harren oerein te kommen en om mar net bang te wêzen. Doe't de dissipels omheech seagen, seagen se allinne Jezus en seagen se de profeten net mear.<br/>
Doe't hja de berch del giene fertelde Jezus harren: ''Fertel gjinien wat jimme sjoen hawwe, ear't de Minskesoan út 'e dea ferriisd is''. It is beskreaun dat de dissipels inoar ôffregen wat Jezus bedoelde mei "út de dea ferriisd is".<br/>
Taheake oan de synoptyske evangeeljes, beskriuwt Petrus yn 2 Petrus 1:16-18 oer himsels dat er tsjûge fan de ferhearliking wie. Fierders yn it Nije Testamint it ferwizen fan [[Paulus (apostel)|Paulus]] yn [[2 Korintiërs]] 3:18 nei ''de Hearlikheid fan de Hear as yn in spegel oanskôgje'', dat it teologyske grûnwurk waard foar leauwigen oer it bestean fan God.<br/>
Alhoewol't Mattéus 17 Jehannes as ien fan de oanwêzige dissipels neamt, fertelt de Evangeelje fan Jehannes dêr neat oer. Dat late ta redendielen tusken gelearden, dêr't guon drúsken oer wa't de skriuwer fan de Evangeelje fan Jehannes wie en oaren beane dêr útlis oer. [[Eusebius fan Caesarea]] oppenearre dat de Evangeelje fan Jehannes in taheaking wie fan de oare evangeeljes en dus net foarfallen dûbeld neame woe. Oaren tinke dat de Evangeelje fan Jehannes op de Ferhearliking doelde sa as yn Jehannes 1:14. Dat wie net it iennige foarfal dat net neamd wurdt yn de Evangeelje fan Jehannes. Ek it ynstellen fan de [[Nachtmiel]] yn de [[Lêste Nachtmiel]] is in foarbyld.
==Belang==
De Ferhearliking wie ien fan de wûnders fan Jezus yn de Evangeeljes. Dy wûnder wie bysûnder neffens de oare wûnders, om't Jezus sels belutsen wie yn de wûnder. Neffens [[Tomas fan Akwino]] wie de Ferhearliking de "grutste wûnder", om't it in oanfolling fan de doop wie en de folsleinens fan it libben yn de himel sjen liet. De Ferhearliking wie ien fan de grutte fiif foarfallen yn de Evangeeljes oer it libben fan Jezus: de [[Doop fan Jezus|Doop]], it [[Krusigjen fan Jezus|Krusigjen]], de [[Opstanning fan Jezus|Opstanning]] en de [[Himelfeart fan Jezus|Himelfeart]].<br/>
Yn it Kristlike leauwen is de Ferhearliking in wichtich momint en it foarfal op de berch wurdt sjoen as it punt dêr't de minske God temjitte komt: it moetingsplak fan it tydlike en ivige dêr't Jezus de ferbining fan is. Boppedat leauwe kristenen dat de Ferhearliking it ferfoljen fan in foarsizzing út it [[Alde Testamint]] wie, dêr't Elía nei syn himelfeart wer weromkomme soe. ([[Maleächy (bibelboek)|Maleächy]] 4:5-6)
[[Kategory:Nije Testamint]]
|