[[File:Lapdance demonstration.jpg|right|thumb|250px|In ''lapdance''-demonstraasje op 'e ''[[AVN Adult Entertainment Expo]]'' fan [[2008]].]]
In '''''lapdance''''' (letterlik: "skurtedûns") is in foarm fan [[sekswurk]] dy't yn in protte [[stripklubstripklup]]s ferrjochte wurdt. Dêrby fiert in [[stripper]] in seksueel eksplisite [[eroatyske dûns]] op deunby of yn lichaamlik kontakt mei in klant. Ofhingjend fan 'e pleatslike wetjouwing en it belied fan 'e klubklup kin de dûnseresse net folle klean oan hawwe of topless of sels hielendal neaken wêze. By in ''full contact lapdance'' kin de stripper [[non-penetrative seks|non-penetratyf seksueel kontakt]] mei har klant oangean, bygelyks troch mei har stuten yn syn krús te riden (''grinding'').
Der besteane ferskate farianten fan 'e ''lapdance'', lykas de ''couch dance'' ("sofadûns"), wêrby't de klant ûnderwilens op in bank of sofa sit, en de ''bed dance'' ("bêddûns"), wêrby't de klant op in bêd leit. Yn in soad stripklubsstripklups wurdt de lingte fan in ''lapdance'' ôfmetten neffens de lingte fan it nûmer dat draaid wurdt troch de [[d.j.]] fan 'e klubklup. Yn guon klubsklups kinne ''lapdance''-sesjes, dy't yn 'e regel in healoere beslane, boekt wurde yn in ''[[champagne room]]'', wat in priveefertrek is dat ornaris efteryn in stripklubstripklup sitewearre is, en dêr't de klant sûnder gleskegnuvers fan syn ''lapdance'' genietsje kin.
Ofhingjend fan 'e pleatslike wetten en de regels fan 'e oangeande klubklup kin it al of net tastien wêze dat de stripper ûnder de ''lapdance'' de klant oanrekket, of de klant de stripper, of beide inoar, of net ien fan beiden inoar. Oan 'e oare kant kin yn alle gefallen in hiel skala oan kontaktfoarmen tusken beiden mooglik wêze as klant en stripper dêr oerienstimming oer berikke en salang't de klubliedingkluplieding it troch de fingers sjocht. Datoangeande rint it belied fan ferskillende stripklubsstripklups wiid útinoar. Kritisy fan ''lapdancing'' sizze dat guon klubeignersklupeigeners, troch it ynrjochtsjen fan tsjustere herntsjes en troch fan strippers hege prizen te freegjen om yn harren klubsklups optrede te meien, it ferhanneljen fan seksuële dieden temûk tastean en sels oanmoedigje (wat tsjin 'e wet is yn lannen dêr't [[prostitúsje]] ferbean is).
