William Wallace: ferskil tusken ferzjes

Om't der yn Ayrshire in plak is dat fan [[Ellerslie]] hjit, wurdt wol tocht dat Bline Harry dat betize hat mei Elderslie (mei in d) yn Renfrewshire. Der is fierders gjin bewiis út 'e tiid fan Wallace oerlevere dat nei itsij Ellerslie, itsij Elderslie wiisd as syn berteplak, en beide plakken hawwe in bân mei de [[KlanClan Wallace]], dêr't William Wallace lid fan wie. In protte Wallaces út dy tiid wiene [[lienman|lienlju]] fan [[Jakobus Stewart, 5e grutsteedhâlder fan Skotlân]], en beide plakken leine doedestiden yn 'e lânerijen fan dy ealman. Yn elts gefal wie William Wallace nei hjoeddeistige ynsichten wierskynlik net fan [[adel]], mar ynstee in lid fan 'e [[boer]]estân. It is bekend dat er teminsten twa bruorren hie, dy't Malcolm en John hieten.

Oangeande de oarsprong fan it hiele [[KlanClan Wallace|Wallace-skaai]] kin noch fermeld wurde dat de namme ôflaat wie fan it [[Angelsaksysk]]e wurd ''wylisc'' (útspr. ['wʌlɪʃ], "û-ullisj"), dat "frjemdling" of "útlanner" betsjutte. Fan deselde oarsprong binne de nammen [[Wales]] en [[Cornwall]], wylst ''wylisc'' weromgiet op in âlder [[Germaanske talen|Germaansk]] wurd dêr't ek de nammen [[Walloanje]], [[Walachije]] (yn [[Roemeenje]]) en it [[Switserlân|Switserske]] kanton [[Wallis (kanton)|Wallis]] út fuortkomme. Yn 'e kontekst fan 'e [[Britske Eilannen]] ferwiisde de beneaming ''wylisc'' yn 'e regel nei [[Keltyske talen|Keltysktalige]] persoanen of gebieten (yn tsjinstelling ta it gebrûk fan besibbe foarmen op it [[Jeropa|Jeropeeske]] [[kontinint]], dêr't [[Romaanske talen|Romaansktalige]] persoanen en gebieten mei oantsjutten waarden), en it is dan ek mooglik dat de Wallaces fan oarsprong [[Wales|Welske]] [[ymmigrant]]en wiene, dy't har yn 'e [[Midsiuwen]] yn Skotlân nei wenjen setten. Mar it is likegoed mooglik dat it lânseigen [[Skotten]] wiene, mei't de term ''wylisc'' krektlyk brûkt waard foar de [[Kumbrysk]]talige [[Kelten]] fan súdwestlik Skotlân.

[[Kategory:KlanClan Wallace]]