Destroyer (roman): ferskil tusken ferzjes

It docht bliken dat der acht moannen lyn, koart nei't de ''Phoenix'' by Reunion wei ôfset wie werom nei hûs, op 'e [[planeet]] in bloedige [[steatsgreep]] plakfûn hat, wêrby't Tabini-''aiji'' ôfset is. It fêstelân wurdt no behearske troch in koälysje fan 'e Kadigidi út 'e Padi-delling en suderlingen út 'e Marid. Yn Shejidan, de [[haadstêd]] fan 'e Westlike Assosjaasje, dy't fêst yn 'e hannen fan [[rebel]]len is, regearret Murini, it haad fan 'e Kadigidi-klanclan, as ''aiji''. It Slûpmoardnersgilde, dat mank de atevi [[wet]] en iepenbiere oarder hanthavenet, is oant op it bien ferdield en kin net ta in beslút komme oer stipe oan Tabini of Murini, wylst de gildemaster fermist en mooglik dea is. Op ferskate plakken op it fêstelân is in [[guerrilja-oarloch]] geande tusken Murini syn troepen en oanhingers fan Tabini, en op it [[eilân]] Mospheira makket de [[minske|minsklike]] [[koloanje]] him op foar in iepen oarloch tsjin Murini. Oer Tabini giet it geroft dat er [[moard|fermoarde]] is, mar nimmen kin sizze oft dat wier is. It [[romtestasjon]], dat ûnder lieding fan Jules Ogun, de twadde [[kaptein (skipfeart)|kaptein]] fan 'e ''Phoenix'', en [[hear (titel)|hear]] Geigi, in fertrouling fan 'e ''aiji''-dûairiêre, ûnwifkjend op 'e hân fan Tabini bleaun is, is ôfsnien fan 'e ierde, mei't de [[romtefear]]en net mear fleane en de bemannings ûnderdûkt binne. De sitewaasje op it stasjon is ien fan krapte, mei't it op it stuit fan 'e steatsgreep eins noch net [[selsfoarsjenning|selsfoarsjend]] wie. Yn dy sitewaasje arrivearret de ''Phoenix'' mei oan board 4.100 [[flechtling]]en fan Reunion.

Yn in [[wagon]] mei in lading fisk op iis reizget it selskip nei Sidonin, yn 'e Padi-delling, djip yn fijannich gebiet, dêr't se koart foar [[moarnsdage]] oankomme en in [[bestelbuske]] [[dieverij|stelle]] om mei út te naaien. Se reitsje oer de grins fan it swier beboske Taiben en witte kontakt te meitsjen mei de [[houtfêster]]s dêre, dy't ûnder lieding fan Keimi, de hear fan 'e Taibeni-klanclan en in famyljelid fan Tabini, in guerrilja-oarloch fiere tsjin 'e Kadigidi en harren súdlike bûnsgenoaten. Yn Taiben hearre Bren en Ilisidi dat Tabini dêr west hat, mar der net mear is. Cajeiri foarmet der in ''man'chi''-bân mei twa jonge Taibeni, de fyftjinjierrige [[jonge]] Jegari en syn ien jier âldere [[suster]] Antaro, dy't net brutsen wurde kin, sadat de trije jonge libbens no foargoed ferbûn binne. (''Man'chi'' is ûnfertaalber atevi-konsept, dat sawol 'freonskip', 'leafde' as 'fertrouwen' omfiemet, allegear minsklike gefoelens dy't foar atevi like riedseleftich binne as ''man'chi'' foar minsken is.)

Ut Taiben reizgje Bren, Ilisidi en Cajeiri troch nei it oanbuorjende diel fan 'e Padi-delling, dat it domein is fan 'e Atageini-klanclan. De âlde Tatiseigi, de hear fan 'e Atageini, nimt yn 'e hjoeddeiske krisis in tige wichtich plak yn. Hy is in [[konservatisme|aartskonservative]] [[aristokrasy|aristokraat]], dy't sa tsjin is op fernijing dat er noch mar tsien jier earder foar it earst [[elektrisiteit]] oanlizze litten hat yn syn [[bûtenpleats]] Tirnamardi. Tatiseigi hat [[polityk]] sjoen mear op mei Murini en dy syn oanhingers as mei Tabini. Mar hy beskôget Murini as in omheechfallen [[parvenu]], en boppedat is syn [[âldomkesizzer]] Damiri de mem fan Cajeiri. Dêrmei hat er der dus belang by om 'e Tabini oan it regear te hâlden. Sûnt de steatsgreep hat Tatiseigi him yn Tirnamardi weromlutsen en is er net fan 't plak kommen, net om Murini te stypjen, mar ek net om Tabini te stypjen. It is ûndúdlik wat er krekt yn 't sin hat, en it is mooglik dat de oanwêzichheid fan Cajeiri him krekt oantrúnje sil om him tsjin Tabini te kearen, as er tinkt dat er sels [[regint]] foar de jonge ''aiji'' yn 't plak wurde kin.