[[File:Menaam fan 'e Slappeterpster kant ôf2.jpg|left|thumb|250px|Menaam, sjoen fan 'e [[Slappeterp]]ster kant ôf.]]
It [[plattelân]] fan Menameradiel hie in iepen karakter. It uterste noardeasten makke diel út fan 'e saneamde 'nijlannen', de oanslibbe en tusken [[1200]] en [[1500]] [[polder|ynpoldere]] [[klaai]]grûnen fan 'e âlde [[Middelsee]].<ref name="neff-1791>{{Berjocht:NEfF|1791}}</ref> Mear westlik lei in [[kwelderwâl]] fan [[savel]]ige [[grûn]] dy't fan it súdeasten nei it noardwesten troch de gemeente rûn en 80 sm oant 1.30 m heech is. Dêrop wiene fanôf inkele iuwen f.Kr. [[terp]]en opsmiten dy't letter ta de doarpe-rige [[Deinum]], [[Marsum]], [[Ingelum]] en [[Bitgum]] útwoeksen wiene.<ref name="neff-1791/> In twadde kwelderwâl rûn fan [[Dronryp]] nei [[Menaam]] en berikt in hichte fan likernôch 1 m.<ref name="neff-1791/> Menameradiel [[ôfwettering|wettere ôf]] fia it [[Van Harinxmakanaal]], de [[Menamer Feart]] en de [[Berltsumer Feart]]. It Van Harinxmakanaal rint by [[Dronryp]] en [[Deinum]] lâns en snie in lyts súdlik part fan 'e gemeente ôf fan 'e rest.<ref name="neff-1791/>
