Roarik: ferskil tusken ferzjes

'''Roarik''', ek wol '''Roerik fan Dorestêd''' of '''Hrörek''' wie in [[Denemarken|Deenske]] [[Wytsing]] dy't tusken [[850]] en [[880]] hearske oer in grut part fan [[Nederlân]], dat yn dy tiid [[Frisia]] (Fryslân) neamd waard. Hy krige fan de Frankyske kening in grut gebiet yn lien dat te westen fan it [[Fly]] lei oant-en-mei ''Flakkee'' it tsjintwurdige [[Hjerringfliet]]. Dêrom wurdt er as in ''[[Fryske greve]]'' beskôge, mar it kin ek sa west ha, dat er himsels [[kening (titel)|kening]] fan Fryslân neamde.

 

 

 

De Frankyske keizer [[Loadewyk de Fromme]] besocht Roarik en syn broer Harald fan plonderjen ôf te hâlden en joech harren yn it kader fan de kustferdigening wichtige militêre amten, Roarik te [[Doarestêd]] en Harald te [[Walcheren]].

 

Doe Loadewyk de Fromme yn [[840]] ferstoar liet hy syn ryk efter oan syn soannen [[Lotarius I]], [[Loadewyk de Dútser]] en [[Karel de Keale]]. Lotarius I dy't as iennichste de keizertitel droech, liet fuortendaliks Roarik finzen nimme op beskuldiging fan heechferried. Dizze koe lykwols ûntkomme en fûn in gastfrij ûnderdak by Loadewyk, dy't him yn [[841]] it eilân [[Wieringen]] yn lien tawiisde.

 

Doe't ek de Friezen tsjin de hearskippij fan Roarik yn opstân kamen ([[864]]), moast hy tydlik Fryslân ferlitte. Mar Roarik socht tanadering by de Frankyske keningen [[Karel de Keale]] en [[Loadewyk de Dútser]] en waard yn [[870]] fan beiden in [[fazal]] en krige dêrtroch syn Fryske lien werom. Hy bekearde him ta it [[kristendom]] en kaam te ferstjerren yn [[880]]. Hy waard opfolge troch [[Godfried de Wytsing|Godfried]], de soan fan Harald.

 

* Gerlof Verwey, ''Geschiedenis van Nederland'', Amsterdam, 1995, siden 101 en 102.