[[Ofbyld:1e Elfstedentocht in Leeuwarden 2 jan. 1909.jpg|thumb|Byld fan 1e Alvestêdetocht yn Ljouwert.<br><small>Yn de midden / 5e fan links mei burdsje de winner Minne Hoekstra, links fan him Gerlof van der Leij, de 2e priiswinner út Marrum, rjochts jhr. [[Jan Feith]].</small>]]
De '''Alvestêdetocht''' is in [[ReedridenToertocht (reedriden)|reedriderstocht]] fan sawat 200 kilometer by de [[Fryske stêden|alve stêden]] fan Fryslân lâns. [[Ljouwert (stêd)|Ljouwert]], de [[haadstêd]] fan [[Fryslân|Westerlauwersk Fryslân]], is fan âlds it start- en finishplak. De tocht bringt de dielnimmers fan [[Ljouwert (stêd)|Ljouwert]] nei [[Snits (stêd)|Snits]], [[Drylts]], [[Sleat (stêd)|Sleat]], [[Starum]], [[Hylpen]], [[Warkum]], [[Boalsert (stêd)|Boalsert]], [[Harns (stêd)|Harns]], [[Frjentsjer]] en [[Dokkum]] en dan wer werom nei [[Ljouwert (stêd)|Ljouwert]], dêr't op de [[Bonke (feart)|Bonke]] de einstreek leit. Hûnderttûzenen taskôgers wiene by de lêste tochten de kjeld treast en moedigen oan 'e rûte de reedriders oan.
