William Blake: ferskil tusken ferzjes

 

Mei fjirtjin jier gie hy yn de lear by de grafikus [[James Basire]]. Dy lit him sketsen en tekenings meitsje fan [[Westminster Abbey]] en oare âlde tsjerken yn [[Londen]]. Yn dy tiid ûndergie hy de ynfloed fan de [[gotyk]]. Doe't er 21 jier wie, waard er talitten op de Royal Academy. Hy woe lykwols mear wêze as allinnich grafikus en fersette him boppedat tsjin de oerhearskjende konvinsjonele keunstopfettings. Nei syn houlik mei Catherine Boucher yn 1782 slagge it him, op oanstean en mei stipe fan inkele freonen, in earste publikaasje ferskine te litten: ''Poetical sketches'' (1783).

Hoewol't syn mystike ynslach late ta wurk mei in protte symbolyk, meastentiids tsjuster wurk, dêr't er in eigen mytology yn ûntwikkele, ferskynde yn 1789 ''Songs of Innocence'' mei ienfâldige lyryske gedichten. Yn 1794 waard dêr yn in werútjefte ''Songs of Experience'' oan taheakke. Dat lêste wurk waard nea apart útjûn, mar opnaam mei it eardere, ûnder de titel ''Songs of Innocence and of Experience showing the Two Contrary States of the Human Soul''.