Oarlochsskip: ferskil tusken ferzjes

Nei de [[útfining]] fan it [[buskrûd]] yn [[Jeropa]] waarden oarlochsskippen foar it earst tarist mei [[kanon]]nen. Dêrtroch feroare de oarlochfiering op see yngripend. Nei de Midsiuwen makken seefarrende naasjes as it [[Keninkryk Portegal]], it [[Keninkryk Spanje]], it [[Keninkryk Frankryk]], it [[Keninkryk Ingelân]], it [[Osmaanske Ryk]], de [[Republyk Feneesje]] en de [[Republyk fan de Sân Feriene Nederlannen]] earst bewapene [[keapfardijskip]]pen foar harren [[float]]. Letter waarden mear spesjalisearre oarlochsskippen boud. Yn 'e [[njoggentjinde iuw]] en iere [[tweintichste iuw]] folge in nije modernisearrings troch de útfining fan [[steamskip]]pen en letter [[motorskip]]pen.

 

 

Yn it [[Ynterbellum]] feroare der in protte foar de oarlochfiering op see troch it yn gebrûk nimmen fan 'e [[jachtfleanmasine]] en de [[bommesmiter]] troch de marine. Dêrtroch waard nammentlik de yntroduksje fan it [[fleandekskip]] needsaaklik, dêr't sokke fleantugen fan opstiigje en op lânje koene. Under de [[Twadde Wrâldoarloch]] die bliken hoe totaal oars oft seeslaggen dêrtroch waarden, bgl. yn 'e ferneamde [[Slach by Midway]], dêr't de [[Japanske Keizerlike Marine]] in krúsjale nederlaach tabrocht waard troch fleantugen fan fleandekskippen fan 'e [[Amerikaanske Marine]]. Tsjintwurdich is it fleandekskip noch altyd it grutste oarlochsfartúch dat der bestiet. De measte fleandekskippen hawwe, krektlyk as de gruttere moderne dûkboat, in oandriuwing dy't basearre is op in [[kearnreaktor|kearnreäktor]]. De grutere fleandekskippen hawwe in [[bemanning]] fan mear as 5.000 koppen oan board.