Ottawa: ferskil tusken ferzjes

As federale haadstêd fan Kanada binne yn Ottawa in soad regearingsgebouwen, wêrfan it parlemintsgebou it wiidst ferneamd is. Fierder befynt it Kanadese hegerjochtshôf harhim yn de stêd en ek de offisjele residinsjes fan de minister-presidint fan Kanada (''24 Sussex Drive / 24, promenade Sussex'') en dy fan de [[Gûverneur-Generaal fan Kanada]] (''Rideau Hall''). Fierder binne der in soad [[museum]]s yn Ottawa lykas de ''National Gallery of Canada / Musée des beaux-arts du Canada'' en it ''Canadian War Museum / Musée canadien de la guerre''.

De earste Jeropese delsettings yn it gebiet waarden dêr fêstige fanwege de houtyndustrie. Nei de [[Oarloch fan 1812]] waard ymmigraasje nei Ottawa troch de oerheid stimulearre en it tal ynwenners naam hurd ta. Kolonel John By naam yn [[1832]] it inisjatyf foar de oanlis fan it Rideaukanaal, in alternative roeterûte nei [[Montréal]] dy't fiederfierder fan de Amerikaanske grins ôf leit. De stêd dy't hjirtroch ûntstie waard Bytown neamd en de oanlis fan it Rideaukanaal joech de regio ekstra betsjutting foar de hannel. Yn [[1855]] waard de namme Bytown feroare nei Ottawa.