Yn syn libben skreau Wumkes in soad histoaryske stúdzjes, biografyënbiografyen en boekbesprekkings, dêr't 'Tusschen Flie en Borne. Schetsen uit de geschiedenis van Schellingerland' (1900) de earste fan wie. Syn artikels waarden publisearre yn de tydskriften [[It Beaken]], [[Frisia (tydskrift)|Frisia]], [[It Heitelân]], [[De Holder]], [[Sljucht en rjucht]], [[De Stim fen Fryslân]] en [[De Weitstrop]]. Tusken 1913 en 1928 skreau Wumkes mear as tweintich - gauris mânske - bydragen foar de [[De Vrije Fries]], it tydskrift fan it [[Provinciaal Friesch Genootschap ter Beoefening van Friesche Geschied-, Oudheid- en Taalkunde|Frysk Genoatskip]], dêr't hy jierrenlang lid fan wie. Ymposant is it feit dat hy tusken 1911 en 1937 mear as tûzen lemmata skreau foar it 'Nieuw Nederlandsch Biografisch Woordenboek', de foargonger fan it 'Biografisch Woordenboek van Nederland'. Dêrneist wie hy gearstaller fan in fjouwertal mânske kompilaasjewurken, dy't hjirûnder beskreaun steane.
===== ''It Fryske Réveil yn portretten'' (1911) =====
