Alana Evans
Alana Evans, echte namme: Dawn Marie Thompson (Hopkinsville (Kentucky), 6 july 1976), is in Amerikaansk neakenmodel, stripper, pornografysk aktrise en pornoregisseur, dy't ek wol gebrûk makke hat fan 'e artystenammen Jenna Talia, Alana en Alona. Har namme wurdt soms ek wol misstavere wurdt as Allana Evans of Alana Evas. Hja sette yn 1998 útein mei in wurkpaad yn 'e Amerikaanske pornoyndustry en spile yn in grut tal films.
| Alana Evans | ||
 persoan yn de seksyndustry
| ||
| ||
| persoanlike bysûnderheden | ||
| oare artyste- nammen |
Alana, Alona, Allana Evans, Alana Evas, Jenna Talia | |
| echte namme | Dawn Marie Thompson | |
| nasjonaliteit |  Amerikaansk
| |
| berne | 6 july 1976 | |
| berteplak | Hopkinsville (Kentucky) | |
| etnisiteit | Angelsaksysk Amerikaansk
| |
| wurkpaad | ||
| wurksum as | neakenmodel, stripper, pornoaktrise, regisseur | |
| jierren aktyf | 1998 – no | |
| offisjele webside | ||
| www.alanaevans.com | ||
Libben en karriêre bewurkje seksje
Evans waard yn 1976 berne op 'e Amerikaanske legerbasis Fort Campbell, te Hopkinsville, yn 'e steat Kentucky, dêr't har heit doedestiden tsjinne. In pear moannen nei har berte giene har âlden lykwols útinoar en ferfear har mem mei har en har suster nei Kalifornje ta, dêr't se opgroeide. Nei eigen sizzen ûntdiek Evans al ier dat se biseksueel wie, en hie se har earste seksuële ûnderfining mei in frou doe't se santjin jier wie.
.jpg)
Mei achttjin jier troude se yn 1994 mei in man mei wa't se ien bern krige. Hja fêstigen har yn noardlik Kalifornje, dêr't se in oandiel yn in pleatslike stripklub oankochten. Evans begûn dêr te wurkjen as stripper en al rillegau dûnse hja ek yn oare klubs yn dy omkriten. Se ûntdiek doe dat de bekendste strippers, de saneamde feature dancers, bêst fertsjinje koene, en besefte dat se bekendheid nedich hie as sy dat ek woe. Evans besleat dat pornoaktrise wurde de bêste en fluchste manear wie om bekend te wurden en in protte fans te krijen.
Sadwaande makke se yn 1998, doe't se 22 jier wie, har debút yn 'e pornografyske film Real Sex Magazine 11. Neffens de Internet Adult Film Database (IAFD) hat se sûnt yn mear as 470 pornofilms spile, û.m. foar sokke foaroansteande labels as Wicked Pictures, Vivid Entertainment, New Sensations, Evil Angel, Penthouse, Adam & Eve, Zero Tolerance, Elegant Angel, VCA Pictures, Hustler Video, Anabolic Video, Sin City, Diabolic Video, Devil's Film, Digital Sin en Shane's World.
Dêrnjonken hat Evans ek in protte yn 't spier west foar minder bekende studio's, lykas West Coast Productions, Jill Kelly Productions, Seymore Butts Home Movies, Extreme Associates, Third Degree Films en Pure Play Media. Yn 2007 regisearre hja de film Pick 'Em Young, foar it label Cinderella. Evans skiede yn 1999 fan har earste man en wertroude yn 2006 mei pornoakteur Chris Evans, yn in houlik dat noch altyd stânhâldt.
Lichemsskaaimerken bewurkje seksje
Alana Evans is blank, mei blauwe eagen en blûn hier. Neffens har offisjele opjefte is se 1.68 m lang, mei in gewicht fan 49 kg, en cupmaat 36DD, dêr't se yn 2007 in boarstfergruttingsoperaasje foar ûndergien hat. Behalven de wenstige piercings troch de earlellen hat Evans ek ien troch har klitoris. Fierders hat se ferskate tatoeaazjes: in blauwige flinter op har lofterheup, in brânend hert mei in banier mei de tekst "Christian" op har rjochterearm, in hert op har lofterringfinger, en in skedel op har rjochterheup.
Keppelings om utens bewurkje seksje
- (in) Offisjele webside fan Alana Evans
- (in) Biografy en filmografy fan Alana Evans yn 'e Internet Movie Database (IMDb)
- (in) Biografyske gegevens en filmografy fan Alana Evans yn 'e Internet Adult Film Database (IAFD)
| Boarnen, noaten en/as referinsjes: |