Anita Blond
Anita Blond, echte namme: Anita Hudacek (Boedapest, 27 maaie 1976), is in rêstend Hongaarsk neakenmodel en pornografysk aktrise, dy't ek wol wurke hat ûnder de artystenammen Anita Blonde, Anita Kelli, Anita Kelly, Anita, Anika en Bonanita. Neffens har offisjele opjefte wie hja ûnder har karriêre 1.73 m lang, mei in gewicht fan 52 kg en natuerlike boarsten fan kupmaat 36C.
| Anita Blond | ||
 persoan yn de seksyndustry
| ||
| ||
| persoanlike bysûnderheden | ||
| oare artyste- nammen |
Anita Blonde, Anita, Anika, Anita Kelli, Anita Kelly, Bonanita | |
| echte namme | Anita Hudacek | |
| nasjonaliteit |  Hongaarsk
| |
| berne | 27 maaie 1976 | |
| berteplak | Boedapest (Hongarije) | |
| etnisiteit | Hongaarsk
| |
| wurkpaad | ||
| wurksum as | neakenmodel, pornoaktrise | |
| jierren aktyf | 1994 – 2001 | |
Libben en karriêre bewurkje seksje
Anita Blond (dy't trouwens fan natuere gjin blondine mar in brunette wie) waard yn 1976 berne yn 'e Hongaarske haadstêd Boedapest. Yn 1994, doe't se achttjin jier wie, begûn se har karriêre as neakenmodel yn it manljusblêd Penthouse. Koarte tiid letter makke se har debút yn in pornografyske film fan it Sweedske Private-label. Neffens de Internet Adult Film Database (IAFD) spile se neitiid yn totaal yn 112 pornofilms, wêrûnder in protte útjeften fan Private, mar ek guon fan oare Jeropeeske studio's, lykas it Dútske Videorama, it Frânske Vidéo Marc Dorcel en de Italjaanske Mario Salieri Entertainment Group.
Dêrnjonken stiek Anita Blond yn 'e twadde helte fan 'e jierren njoggentich de Atlantyske Oseaan oer om har yntree yn 'e Amerikaanske pornoyndustry te meitsjen. Dêr wurke se û.m. foar sokke foaroansteande labels as VCA Pictures, Elegant Angel, Sin City, Wicked Pictures, Adam & Eve, New Sensations en Anabolic Video. Fierders hold se ek oan mei har wurk as neakenmodel, en wie se te bewûnderjen yn tydskriften as Oui, Chéri, Velvet en Perfect 10. Yn 2001 loek Anita Blond har úteinlik út 'e pornoyndustry werom.
Keppelings om utens bewurkje seksje
- (in) Biografy en filmografy fan Anita Blond yn 'e Internet Movie Database (IMDb)
- (in) Biografyske gegevens en filmografy fan Anita Blond yn 'e Internet Adult Film Database (IAFD)
- (in) Biografyske gegevens fan Anita Blond op FreeOnes
- (in) Biografyske gegevens fan Anita Blond op Babepedia
| Boarnen, noaten en/as referinsjes: |