Biessum
Biessum is in buorskip op in terp (wierde) yn de gemeente Iemsdelta yn de provinsje Grinslân. It leit tsjin Delfsyl oan. Biessum leit op - eins om - in terp/wierde - hinne, dy't ta de bêst bewarre yn de provinsje Grinslân heart. De oarspronklike stjerfoarmige ferkaveling is noch hielendal werom te finen. De wenningen en boerepleatsen stean oan de oksegong De Ossenweg, dy't noch yntakt is. De eastlike ferkaveling is foar in part ferdwûn troch utwreidingen fan Delfsyl. Tusken de stienbakkerij fan Hylkema en Biessum rint it Biessumermaar. Dat wetter waard brûkt om beamstammen te ferfieren nei de klompemakkerij oan de Ossenweg 4.
| Biessum | ||
| ||
| Lokaasje fan Biessum yn de eardere gemeente Delfsyl | ||
| Polityk | ||
| Lân |  Nederlân
| |
| Provinsje |  Grinslân
| |
| Gemeente |  Iemsdelta
| |
| Plak |  Delfsyl
| |
| Sifers | ||
| Ynwennertal | 50 | |
| Oar | ||
| Tiidsône | UTC +1 | |
| Simmertiid | UTC +2 | |
| Koördinaten | 53° 20' 2" NB, 6° 53' 53" EL | |
Skiednis bewurkje seksje
Parochy bewurkje seksje
It doarpke hat nea in eigen parochytsjerke hân. Om te tsjerkjen moasten de Biessumers oer it Kerkpad nei de tsjerke fan Uitwierde. Nei alle gedachten stie der wol in kapel: yn 1505 is der sprake fan in hear Gherbent to Bysum, in geastlike dy't nei alle gedachten belêste wie mei it betsjinjen fan it alter fan it Catharinalien fan de parochy Uitwierde. In opfallend hoekje lân yn it sintrum fan de terp jout mooglik it plak fan de kapel oan.
Mûne bewurkje seksje
Biessum hie in eigen nôtmûne, dy't yn 1628 ôfbrutsen waard. Om 1900 hie it doarp in eigen kafee, de Groen Weide, dat tapaslik oan de griene greide boppe op de terp lei. Oant yn 1935 hie Biessum in eigen halte oan it Spoar fan Grins nei Delfsyl. De namme fan de halte wie lykwols Halte Uitwierde, hoewol't dat doarp fierder fan de halte ôf lei.
Oarloch bewurkje seksje
Oan 'e ein fan de Frânske tiid wie Biessum, dêr't swier fochten waard, fan belang by it belis fan Delfsyl. Ek by de ein fan de Twadde Wrâldkriich waard der op en om Biessum fûleindich fochten; de Dútsers hiene efkes fierderop in tankgrêft oanlein om de opmars fan de alliearden op te kearen.
Prúmmerke bewurkje seksje
Biessum stie en stiet bekend om syn prúmmerke. Dy wurdt noch elke trije jier hâlden, fanâlds op de earste snein nei 21 augustus, de lêste dei fan de Maria-himelfeartmerke te Appingedam.
| Boarnen, noaten en/as referinsjes: |
