Glenda Larke

Glenda Larke (wiere namme: Glenyce Larke; yn West-Austraalje, 1945) is in Australysk skriuwster fan fantasyromans.

Glenda Larke
skriuwer
persoanlike bysûnderheden
oar pseudonym	Glenda Noramly
echte namme	Glenyce Larke
nasjonaliteit	Australysk
berne	1945
berteplak	yn West-Austraalje
etnisiteit	Angelsaksysk Australysk
wurk
taal	Ingelsk
sjenre	fantasy
bekendste   wurk(en)	The Isles of Glory-trilogy The Mirage Makers-trilogy
útjouwer	Voyager, Orbit Books
jierren aktyf	1998 – no
offisjele webside
glendalarke.com

Libben en karriêre

Larke waard 1945 berne yn 'e Australyske steat West-Austraalje, dêr't se opgroeide op in isolearre boerespultsje yn 'e outback. Hja behelle in bachelortitel yn skiednis en in diploma yn ûnderwiiskunde oan 'e Universiteit fan West-Austraalje yn Perth.

Larke is troud en hat twa bern. Har man, dy't moslim is, wurket foar de Feriene Naasjes, en sadwaande hat it gesin jierrenlang om utens wenne, yn Eastenryk, Tuneezje en Maleizje. Larke hat lesjûn yn Wenen en op ferskate plakken yn Tuneezje en Maleizje. Yn 2008 wenne Larke mei man en bern yn 'e Maleizyske haadstêd Kuala Lumpur.

Larke har earste roman, Havenstar, waard yn 1998 publisearre troch de Britske útjouwerij Virgin Worlds. Dêrfoar makke hja gebrûk fan har trounamme Glenda Noramly. Yn 2003 waard har twadde boek, The Aware, yn Austraalje publisearre ûnder har famkesnamme Glenda Larke.

The Aware wie it earste diel fan 'e Isles of Glory-trilogy, en wie in finalist foar de Aurealis Award fan 2003 yn 'e kategory bêste fantasyroman. Ek The Tainted, it trêde diel fan dy trilogy, Heart of the Mirage en Song of the Shiver Barrens, it earste en trêde diel fan Larke har Mirage Makers-trilogy, en The Last Stormlord, it earste diel fan har Watergivers-trilogy, wiene finalisten foar dyselde priis.

Larke skriuwt ek non-fiksje, dy't ornaris bestiet út artikels op it mêd fan natoerbeskerming en natoerbehear, yn 't bysûnder yn ferbân mei fûgelsoarten. Dy artikels publisearret se foar it meastepart yn Maleizyske tydskriften. Fierders hâldt se op Blogspot.com in eigen blôch by ûnder titel Tropic Temper ("Tropysk Temperamint").

Wurk

• 1998 – Havenstar (as Glenda Noramly)
• The Isles of Glory-trilogy
  • 2003 – The Aware
  • 2004 – Gilfeather
  • 2004 – The Tainted
• The Mirage Makers-trilogy
  • 2006 – Heart of the Mirage
  • 2007 – The Shadow of Tyr
  • 2007 – Song of the Shiver Barrens
• The Watergivers-trilogy (soms ek oantsjut as The Stormlord-trilogy)
  • 2009 – The Last Stormlord
  • 2010 – Stormlord Rising
  • 2011 – Stormlord's Exile
• The Forsaken Lands-trilogy
  • 2014 – The Lascar's Dagger
  • 2015 – The Dagger’s Path
  • 2016 – The Fall of the Dagger
• 2023 – The Tangled Lands

Prizen en nominaasjes

Jier	Priis	Resultaat	Kategory	Foar
2003	Aurealis Award	finaliste	bêste fantasyroman	The Aware
2004	Aurealis Award	finaliste	bêste fantasyroman	The Tainted
2006	Aurealis Award	finaliste	bêste fantasyroman	Heart of the Mirage
2007	Aurealis Award	finaliste	bêste fantasyroman	Song of the Shiver Barrens
2009	Aurealis Award	finaliste	bêste fantasyroman	The Last Stormlord

Keppelings om utens

• (in) Offisjele webside fan Glenda Larke
• (in) Bloch fan Glenda Larke

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.