Golden Globe foar Bêste Film – Musical of Komeedzje
De Golden Globe foar Bêste Film – Musical of Komeedzje (Ingelsk: Golden Globe Award for Best Motion Picture – Musical or Comedy) is in Amerikaanske priis op it mêd fan films, dy't sûnt 1952 elts jier ein jannewaris útrikt wurdt oan 'e as bêste beoardiele lange musicalfilm of komeedzjefilm fan it foargeande jier. It is ien fan 'e Golden Globes, dy't útrikt wurde troch de Hollywood Foreign Press Association (HFPA) by in útrikkingsseremoanje yn it Beverly Hilton yn Beverly Hills. De Golden Globes omfiemje twa prizen foar spylfilms; de oare is de Golden Globe foar Bêste Film – Drama.
| Golden Globe foar Bêste Film – Musical of Komeedzje | ||
| algemiene ynformaasje | ||
| nasjonaliteit |  Amerikaansk
| |
| útrikt foar | bêste lange musicalfilm of komeedzjefilm | |
| útrikt troch | HFPA | |
| frekwinsje | 1x yn 't jier | |
| datum | jannewaris | |
| plak | Beverly Hills (Kalifornje) | |
| ynsteld | 1951 | |
| 1e útrikking | 1952 | |
| offisjele webside | ||
| www.goldenglobes.com | ||
Skiednis bewurkje seksje
De Golden Globe foar Bêste Film – Musical of Komeedzje waard yn 1951 (foar de útrikking yn 1952) troch de Hollywood Foreign Press Association (HFPA) ynsteld om't men fûn dat de priis foar bêste film, dy't yn 1943 ynsteld wie, te faak nei in dramafilm gie. Oarsoartige films, benammen komeedzjefilms en musicals, rekken dêrtroch ûnderbeljochte. Nei twa jier in aparte priis foar dat soarte films útrikt te hawwen, waard it by de útrikking fan 1954 (foar films út 1953) dochs nochris besocht mei ien priis foar bêste film, mar dat waard gjin súkses. Sadwaande kaam de priis foar bêste musical of komeedzje by de útrikking fan 1955 werom.
By de útrikkings fan 1959 oant en mei 1963 (foar films út 'e jierren 1958 oant en mei 1962) waard de Golden Globe foar Bêste Film – Musical of Komeedzje opspjalte yn twa aparte prizen foar twa ûnderskate kategoryen: de Golden Globe foar Bêste Film – Komeedzje en de Golden Globe foar Bêste Film – Musical. By de útrikking fan 1964 (foar films út 1963) waard dy fernijing lykwols weromdraaid. Sûnt hat der altyd ien priis west foar musicals en komeedzjefilms.
Gadingmakkers bewurkje seksje
Om gading te meitsjen op 'e Golden Globe foar Bêste Film – Musical of Komeedzje moat in film in spyldoer hawwe fan teminsten 70 minuten, en yn Los Angeles en omkriten teminsten sân dagen lang yn 'e bioskopen draaid hawwe. Fierders komme inkeld Ingelsktalige films yn oanmerking foar de priis.
Winners bewurkje seksje
De Golden Globes wurde útrikt oan it begjin fan it jier, foar films út it hiele foargeande jier. Yn 'e tabel hjirûnder wurdt de offisjele jiertelling fan 'e Golden Globes oanholden. Mar it jier dat oanjûn stiet is it jier dêr't de priis foar takend waard, en net it jier dêr't de priis yn takend waard. Dus dêr't bgl. stiet "1951", fûn de útrikking fan dy priis plak yn begjin 1952.
.svg){kind=small}
.svg){kind=small}
Keppelings om utens bewurkje seksje
Sjoch ek bewurkje seksje
| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |